一個中五學生做台長,好多人都覺得冇說服力,就記者所見, ibhk嘅工作氣氛都係嫉頭嫉勢,雖然 Kelvin係一台之主,有時都難免畀年紀較大嘅同事寸, 18歲 Kelvin就話:「無所謂,大家都係為個台好!」 

Main Camp

2000蚊自搞網台 中五仔台長爆粗鬧 689

Ads by Google

90後對政府宣洩不滿嘅途徑五花八門,有人瘋狂改圖娛樂大家,有人出 po日鬧夜鬧,黃之鋒女友錢詩文更在立法會政制事務委員會用粗口鬧爆建制派。
除了錢詩文公開鬧爆 689,自已搞網台 ibhk(香港網絡廣播電台)嘅余嘉允( Kelvin)一樣喺自己節目粗口橫飛,「有得 X我都唔 X李偲嫣」、「 689上講清講楚講×話」,網台講咩都得,讀緊傳統 Band 1名校瑪利諾神父教會學校 F.5嘅 Kelvin話:「有時講到政府真係忍唔到唔爆粗!黃國興可以寫大字,錢詩文點解唔講得粗口!」

 

ibhk網台成立兩年,最威試過一個月有 23萬收聽率,同其他網台唔同, ibhk除清談節目,仲會派記者採訪,例如踩入立法會財政預算案,佔中直擊做訪問, ibhk創立人兼台長 Kelvin同記者講:「我哋有節目叫《風波裏的自由風》,都係我改名先,之後大班(鄭經漢)先抄我!」點估到眼前嘅所謂台長原來只係一個中五𡃁仔。

朋友義借 office

Kelvin日日緊貼時事,就算同議員(右)成者補習老師(左一)一齊開咪都談笑風生,「我反而驚 DSE中文口試我會壟斷發言,係咁講停唔到!」

 

香港地搵地方最難,「真係好彩有個朋友免費借地方畀我哋做節目,電腦、 panel嗰啲盡可能買二手,加上主持人都係義工,所以電台基本冇咩開支!」

召集 55名義工

上周四記者到 Kelvin所讀嘅瑪利諾神父教會學校採訪,其間見他無論與校工、老師都好好傾,當見到訓導主任更問對方:「老師咁晏未走,你個囝呢!」沿途亦介紹校內景點,似公關多過學生。由佢開辦嘅網上電台 ibhk, Kelvin只係主持時事節目〈風波裏的自由風〉,鬧盡該星期新聞,好似講到李偲嫣佢就爆粗話:「有得×都寧願×李偲嫣」,同埋大鬧特首上大台回應收五千萬:「梁振英每次出嚟都好似錄音帶咁,不過佔中嗰排突然失咗蹤,冇拍塔利班啲片,原來上咗講清講楚講×話……話佢收五千萬係合法及道德,佢真係進化到道德塔利班。」字字鏗鏘,講中𡃁仔心聲。名校出身,但節目上變成粗口主持, Kelvin只係輕輕回應,「有時講到呢個政府真係忍唔到要爆粗,黃國興寫大字,錢詩文立法會講粗口,我網台講,濕碎啦!」


'13 d100監製喺 dbc同 d100做過 PA、監製,識落唔少知名人士,「𠵱家有時搵嘉賓都係靠以前儲落啲人脈,冇電話就上 fb搵 inbox佢哋!」 

'12公民黨義工曾經喺公民黨做義工嘅 Kelvin同一班議員都 friend底,亦令佢更加了解政治,有助佢喺網台主持政府節目。 

入立會冇阻Kelvin成功取得立法會傳媒證,但凡政府有重大議題,佢都會入去採訪。 

'14同大班冇偈傾一個中學生可以喺大班嘅網台做客席主持同監製的確唔簡單,仲以為 Kelvin會當大班係恩師,點知「不過我估唔到佢啲員工走,會屈係我拉啲人走,但件事都過咗去,唔想再提!我同佢冇偈傾。」 

 

未成立 ibhk前, Kelvin只係喺屋企睡房用鴨記廿蚊咪同淘寶幾百蚊 panel做節目,每日只係放學食飯後直播一粒鐘,到現在有 55個由 fb自薦開咪嘅主持同幕後員工,當中有唔少年紀做得佢老豆有餘,要壓得場 Kelvin都話唔容易:「我好少干預主持講嘅內容,加上我哋個台唔單止齋坐喺錄音室,仲會發記者證畀主持出去做採訪,俾佢哋過足做電台同記者癮,所以一蚊冇收過都好落力咁做。」記者其後上到位於牛頭角的錄音室,見佢 panel、咪樣樣齊,一個中五𡃁仔實在難以負擔。 Kelvin解構電台的資金來源:「開台初當然冇咁多器材,做落有唔少聽眾對我講嘢有共鳴,知道營運上有困難,所以主動捐錢畀我,每個月都幾千蚊收到,加上我死慳死抵慳埋零用錢大約兩、三萬先夠錢買啲二手器材,我希望一直做落去。」

𡃁仔粗口鬧官商

譚耀宗多次制止黃之鋒女友錢詩文喺立會爆粗,但網上有更多𡃁仔以粗口鬧 689,譚生又可以阻得幾多?

屍鋒學舌鳥版

因將劉華首〈獨自去偷歡〉改成〈獨自去鳩嗚〉版爆紅嘅學舌鳥,將黃之鋒同劉江華喺立會片惡搞,等我哋有多啲交流改成×流。

鬧李嘉誠

13年知專仔耀祥以「我×你老帽」做主題,教人唔同場合講呢句粗口,連側田、李嘉誠都俾佢鬧,至今有 43萬人睇。


撰文:校園組
攝影:何榮亮

    全站熱搜

    tvb4life 發表在 痞客邦 留言(0) 人氣()