教堂行完禮,祖藍同李亞男就到迪士尼化身王子同公主進行切餅儀式,夜晚就擺足 55圍好友歡聚。 

真面目

王氏出品 撞樣家族接李亞男入門 王祖藍餅印妹靚晒迎賓

Ads by Google

「長短腳之戀」終於開花結果, 2月 14日情人節,王祖藍同李亞男在教堂行禮,李亞男正式入門。祖藍闔家總動員出力撐喜事,同祖藍似足餅印嘅妹妹仲特登執靚個樣,原本四眼「 Handelababy」 look唔見咗,樣靚心情好,仲出盡力幫阿哥同阿嫂招呼迎賓添!

王祖藍同李亞男先喺台慶夜做場求婚大龍鳳搶收視,其後被質疑造假,但無損兩人「吸金」效應,即時惹來各廣告商踴躍贊助,酒席、婚紗、禮餅、連度蜜月都有贊助,行完禮翌日仲喺迪士尼大擺 55圍,收人情都收到手軟,結婚隨時賺一筆!

王祖藍一家人嘅樣個個似到十足,同媽咪相似度更達 99%,祖藍行完禮將張相放上微博,特登圈埋兩母子個餅印樣,成功呃到 6千個 like!

祖藍婚禮,細妹幫手打點,仲執番靚個樣,唔帶眼鏡,又染埋個紅啡頭,個樣省鏡好多。

王祖藍、媽咪同細妹,三個人一個樣,仲有傳祖藍當時扮「 Handelababy」扮到咁維妙維肖,背後全靠有細妹呢支盲公竹咋!
網上圖片

四眼娘 look
祖藍一直以來都好少提及細妹,不過細妹早前就被影到同翻版房祖名拍拖,當時的祖藍妹仍是四眼妹 look。
《忽然 1周》圖片
阿妹變索唔認得
35歲王祖藍同 30歲李亞男選擇情人節在教堂行禮,鍾嘉欣、岑麗香、郭晉安和錢嘉樂等圈中好友組成星級伴郎伴娘團,到場觀禮嘉賓位位份量十足,有許冠文、薛家燕和鄧萃雯等。
不過為婚禮最出力的當然是王氏一家啦!除咗祖藍媽咪、舅父同嫲嫲出席,仲有曾經被雜誌拍到長髮四眼 look嘅細妹,當時被指激似祖藍所扮演嘅「 Handelababy」角色,報導一出搞到細妹嬲爆,最後要祖藍出錢請去歐洲旅行先拆掂。
廿四孝哥哥舉行婚禮,細妹都好識做,事前悉心打扮變靚啲,在教堂行禮當日不停招呼親友,不過好多人都唔認得祖藍妹,要王媽媽四圍介紹。翌日(15日),祖藍、亞男在迪士尼擺酒,阿妹又落力打點,但上次被雜誌影到阿妹個男朋友,婚禮當日又唔見人,唔通阿妹變靚咗要求都高咗?

王祖藍去年以 1,338萬買入位於雅景花園的 4千呎愛巢,後來裝修超支七成至 500萬埋單,好彩婚禮多贊助,就算超支七成都只係碎料!

情人節行禮當日,新郎哥王祖藍已經爆喊,「我平時嘻嘻哈哈冇爆出嚟啫,呢個地方好特別,睇住我大,每一個親友都好 warm、好窩心。」

「你係上帝派來嘅天使,感謝你嘅愛圓滿咗我嘅生命,我愛你,但我嘅愛並唔完美,我願意用我嘅餘生同你一齊,喺上帝裡面學習乜嘢係愛,縱然我哋都係罪人,但我哋嘅感情充滿恩典,但願我哋個婚禮能夠被神使用,從今以後,我會專一服侍你,正如我專一服侍神一樣。」

「長短腳之戀」開花結果,王祖藍同李亞男應傳媒要求咀足 4次, sweet到爆!
星級陣容

10男 10女組成嘅星級伴郎伴娘團,當中包括有鍾嘉欣、苟芸慧、岑麗香、郭晉安、張繼聰、錢嘉樂等,星光熠熠,足見一對新人人緣極好。

雖然嘉欣 BB同男友伍允龍同場出現,不過兩個又冇打招呼又冇合照,仲各自分開坐,好鬼低調。

一定有賺
王祖藍講過用咗一年人工娶李亞男,仲喺迪士尼擺 55圍,不過成個婚禮嘅安排好多都有贊助,七除八扣下,分分鐘仲可以倒賺一筆,喜上加喜。一個夢幻婚禮,祖藍由頭到尾都有贊助,未計人情,估計已賺 200萬元。

喜餅
喜餅由奇華餅家贊助餅卡 1千張,喜帖仲請到王菀之男友 Eric So免費設計。
網上圖片

酒席
週日( 15日),王祖藍同李亞男喺迪士尼擺 55圍喜酒,原本 1萬 3千元酒席免費提升至 1萬 8千元,每圍慳 5千,抵到爛。
網上圖片

雪糕券
Häagen-Dazs贊助 660張雪糕券,每張價值 50蚊。
網上圖片

蜜月
專業旅運贊助歐洲蜜月,王祖藍同李亞男夾埋約 20萬。
網上圖片

採訪、撰文:娛樂組 
攝影:娛樂組

    全站熱搜

    tvb4life 發表在 痞客邦 留言(0) 人氣()