7號晚,汪峰喺北京豪花百萬為章子怡搞生日趴地,繼而再嚟一個跪地求婚。咁又得咗啦!不過睇嚟「好戲」在後頭。 

媽咪姐

汪峰娶國際章 搞到一鑊粥

Ads by Google

周杰倫、昆凌台北擺婚宴,喜氣洋洋;而對岸都有喜事,就係上周六( 7日)晚國產汪峰向國際章求婚成功。本來呢 pair都係喜事,理應受人祝賀,可惜新聞一出,網友即刻鬧爆汪峰係下流渣男,先劈腿令前度自殺身亡,又拋妻棄女,唔明章子怡點解揀佢?

之後仲爆出國際章阿哥(章子男)老婆喺汪峰嘅求婚 party上面掟嘢搗亂,章子男仲喺網上直認有件咁嘅事,話老婆做得啱!但轉個頭,章子怡阿哥同汪峰工作室齊齊否認發生不快事,連章子怡父母都發聲明,話係有人故意抹黑準女婿。唉,喜事變鬧劇,究竟係有人真係想搶頭條、抑或有人太多仇家?真係天知地知,只有當事人先知囉!

 


章子怡阿哥唔妥
章子怡阿哥發微信大數汪峰賤男,話老婆掃場掃得啱。不過佢事後否認搞寸 party,而㷫爆章子怡似乎勁嬲阿哥,喺微博話俾人傷害。

暫時擺平
求婚騷變成一場鬧劇,仲要勞動到章家兩老發親筆聲明。國際章同土產峰都夠騎呢!

全站熱搜

tvb4life 發表在 痞客邦 留言(0) 人氣()