劉媽媽見條路窄,就繑實心悠怕走散,睇佢哋沿途傾唔停,又幾多心事喎! 

媽咪姐

劉心悠唔識揀搵阿媽幫眼

Ads by Google

仲有兩個月就踏入 34歲嘅劉心悠,入行咁耐都唔見佢話拍拖,做阿媽嘅唔擔心就假喇!依家劉媽媽由台灣搬咗嚟香港同佢住,心悠話:「最近媽咪搬嚟同我住,依家一有時間都想陪多啲佢!搵男朋友都係隨緣啦!」


媽咪姐呢日喺中環撞到素顏嘅心悠 BB,終於明白點解佢咁靚都搵唔到另一半喇!佢同劉媽媽繑住手行街唔出奇,但奇就奇在佢哋行咁耐,都冇使過一蚊。睇見心悠 BB視線盯住間服裝店,又要問過阿媽入唔入?去睇精品,摸完又摸研究一輪,點知俾阿媽講兩句,又冇買。睇佢 shopping都揀嚟揀去,何況係男友吖!建議搵劉媽媽揀好對象,叫心悠 BB去相睇就差唔多喇。

行咗半日都買唔到嘢嘅心悠,想買件衫都話要等,表情有啲失落。

電咗一頭鬈髮嘅心悠,睇嚟想買個直髮夾,轉換吓造型。之但係同媽咪研究完,最後齋睇冇買。

全站熱搜

tvb4life 發表在 痞客邦 留言(0) 人氣()