Mandy Lieu話晒係美馬混血兒,自細又喺馬來西亞長大,外語實力唔使懷疑,周焯華帶佢去傾公事,又啱數喎! 

媽咪姐

Mandy Lieu靠口技坐穩小三位

Ads by Google

好多人都以為做小三,都係靠個樣或者身材,媽咪姐就唔係咁睇喇!好似啱啱返咗香港養胎嘅 Mandy Lieu咁,有咗 6個月仲陪周焯華(洗米華)飛去柬埔寨金邊傾賭場生意,再轉機去泰國曼谷唞幾日,咁舟車勞頓,你估大肚婆唔辛苦咩?

不過 Mandy Lieu可以咁得寵,並唔係陪周焯華周圍去咁簡單,查實佢嘅口技先係重點。有語言天份嘅 Mandy Lieu係混血兒,能操流利四文五語,包括英語、粵語、國語、馬來西亞語同日語。阿華哥依家生意愈做愈大,帶住佢四圍去當翻譯都抵啦!不過, Mandy同正印陳慧玲互相出招,爭寵爭出面,睇嚟下回係鬥快生 B喇!

未懷孕前, Mandy去過唔少東南亞地方,好似越南咁,呢次佢陪周焯華去柬埔寨,要適應當地氣候冇難度。

懷孕冇耐嘅 Mandy Lieu,俾人喺網上瘋傳佢做人肉梳化。冇所謂嘅,佢哋出親埠都俾人影到,多一次都唔多啦!

周二( 10日)晚,周焯華同太太陳慧玲去咗睇澳門《賭城風雲 II》首映,周太仲話嚟緊農曆年會一家去旅行。咦!又嚟宣示主權喎!

全站熱搜

tvb4life 發表在 痞客邦 留言(0) 人氣()