靚抽王

何雁詩萬能 key說明書

Ads by Google

而你不知道何雁詩是誰?之唔係幾年前參加《超級巨聲》後唱歌紅唔起輾轉喺大台拍膠劇嘅奀星。不過查實佢係邊個笨唔係太重要,話之佢係魯芬定係李麗珍,喺網民嘅眼中,就算係一張廁紙一條底褲,只要有得改圖,就一定有佢哋嘅價值。正如呢幅改自大台劇《四個女人三個 Bar》嘅圖,近排就成為咗高登巴打嘅萬能 key。以下同大家介紹番呢堆改圖嘅唔同功能:


功能 1 有圖有真相
高登巴打們同噏得就噏嘅政府高官係唔同嘅,你想說服佢哋,就一定要用真相,而真相,之唔係就係「真嘅相片」。你上開高登就會明,巴打們開口埋口問人攞圖,而呢張何雁詩改圖,就係追求真相用嘅。順帶一提,相片嚟講,當然係解像度愈高愈真啦!
功能 2 派膠


膠,喺高登用語嚟講,專指太過愚蠢/硬膠嘅言行,而嗰個高登小丑神 icon,就係用嚟象徵「膠」呢種化學元素嘅。成幅圖嘅意思,就係嘲笑人唔好做啲太膠、即係太愚蠢嘅言行喇!可以話極具教育意義,應該喺大學嘅哲學堂度上兩堂研究一下。
功能 3 恥笑吳若希系列


由於歌曲〈越難越愛〉一日播到黑成為洗腦曲,巴打們覺得非常煩,就經常利用呢首歌同女神吳若希嚟惡搞,於是有吳若希就有愈難愈愛,有愈難愈愛,就有惡搞同恥笑。
功能 4 卡通系列推上報


其實將幅圖改為《美少女戰士》,此舉除咗係為咗向中世紀文藝復興時期嘅各個大畫家致敬,最重要嘅,當然係要將單嘢推上報啦!幅圖改得愈好笑,就愈有可能推上報。而「推上報」呢家嘢,喺巴打嚟講,就同足球員想踢世界盃一樣,係閃閃發光嘅偉大夢想。
Cap圖龍虎榜
平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇「 Cap圖龍虎榜」啦!!

撰文:娛文樂

全站熱搜

tvb4life 發表在 痞客邦 留言(0) 人氣()