靚抽王

甩拖女藝人出路圖

Ads by Google

單身女藝人經常成為傳媒追訪對象,佢哋一邊要治療情傷,一邊仲要面對公眾,嗚!實在太慘豬啦。唔得,等我幫佢哋整番個出路圖,終結悲傷,重新做人,無懼世事變改,還是愈難愈愛!

心靈上 失戀後情勢管理(階段一)


攻擊前度
好似阿 G.E.M.咁,就嚟去台灣開個唱都要數一數前度林宥嘉,見到人哋幸福,點都要做啲小動作騷擾人(譬如怪人哋消失咁啦)。係,呢種行為係好小學雞,但係就有效化解失戀之痛。
晒虛幻的幸福
阿 G.E.M.見到林宥嘉同新歡喺臉書上晒恩愛,自己單單打打都唔係好有效,於是近日就同疑似新歡馮允謙去嘉年華爺咦野,仲放埋上網,叫做出番口氣。不過通常呢啲單薄嘅反擊好快就見底,一隻充滿戾氣嘅蝗漿,係好難有人頂得佢順的。
改信佛教(階段二)


以上嘅方法雖然有用,但係戾氣太重,傷人之餘又傷到自己,呢個時候就要學王菲,佢歷經 3段情傷後,曾經專心信佛。嗱,唔好理佢道行有幾高,化一化啲戾氣都好呀嘛! Only You~~Can Take Me取西經~~
行動上 溝鬼鬼(階段三)


係!我知,香港男人又呢樣又嗰樣,本地薑始終不及西餐,如果你自命天生麗質,又同本地男士硬係拍唔埋,咁溝鬼鬼都係一個好選擇。美女梁詠琪都係食西餐嘅表表者,食唔落伊麵,咪食西餐囉,有得諗呀!
胡杏兒做媒 (階段四)
以上所有方法你都試過,但係時不與你,咁真係冇計。更悲慘嘅,係你啲舊愛好似陳豪同劉愷威咁,一個接一個咁覓得真愛,你除咗 super lemon同埋表示自己「專注事業」之外,你係廖碧兒你可以點?唔使驚!胡杏兒喺大廳,近日胡氏冏冏終於搵到真愛,就係獵頭公司老細 Philip喇。哇,咁嘅筍盤都俾佢抽到。話明獵頭公司,一定好多筍盤巴打,喂,介紹啲俾阿廖碧兒同阿 G.E.M.,等佢哋飲檸茶唔使落咁多糖掩飾酸味啦!


撰文:娛文樂

全站熱搜

tvb4life 發表在 痞客邦 留言(0) 人氣()