靚抽王

《救昕 689小時》

Ads by Google

CY之女雖然未算係娛圈中人,但係娛樂性十足,早前上有線大爆家事,家吓佢個臉書同 Instagram又忽然被消失。不過江湖上嘅有識之士已經即刻請佢拍據聞係三級片嘅《男極探射燈》!而我哋亦特登幫佢度咗兩個電影劇本,希望有更多有心人拍成電影,支持小齊昕!

 


主演: CY、齊昕、龍蝦、慈母
簡介:里安納遜套《救參 96小時》閒閒哋都拍咗 3集, 3集都係講佢個女俾人綁架,然後佢萬夫莫敵地救番佢個女。之前齊昕個臉書突然宣布佢離港,近排佢個臉書又俾人刪除,一定係俾人綁架啦!不過冇理由搵 CY做里安納遜個角色㗎喎,要佢做忠角係埋沒咗佢,所以劇本要改一改!應該搵個「慈母」嚟扮晒救佢,最後發覺齊昕老竇同龍蝦先係捉佢嘅兇手。
有乜睇頭: CY做番自己,戲都唔使做,一定將奸角演得出神入化。此外,「慈母」救齊昕一幕,可以挽救警隊低落嘅民望……係,我哋講緊嘅「慈母」,笨唔係嗰隻龍蝦。嗱,「慈母」即係警隊,佢老母即係龍蝦,知冇?
《齊昕大戰巴魯坦星人》


主演:齊昕、龍蝦
簡介:香港極少拍呢類型嘅特技科幻片,今次邀請咗齊昕一家嚟做呢套戲,除咗係睇中佢哋之間嘅愛恨情仇,同埋希望喺科幻之中加番多少《愛•回家》嘅合家歡感覺……最重要嘅,係齊昕母親佢本人同巴魯坦星人本身嘅造型有妙不可言嘅相似程度,拍戲最緊要嘅係不直! Budget呀!合拍片唔傾好不直,上面啲暴龍哥點會應承?不過今次唔同,齊昕母親扮巴魯坦星人,真係連戲服都慳番,就算香港冇人睇,強國觀眾一樣受落。
有乜睇頭:由 D7-689小行星過嚟侵略地球嘅龍蝦形巴魯坦星人,喺水底扮晒龍蝦咁伺機等位上,最後變大怒吼,充滿戲劇張力;另一方面,齊昕以民主女神嘅形象出演打怪獸嘅超人,亦係繼《我要做 Model》裏面嘅鄭中基之後嘅模界傑作。
假戲真做
利用假嘅電影嚟惡搞現實生活裏面嘅悲喜劇。

撰文:娛文樂

全站熱搜

tvb4life 發表在 痞客邦 留言(0) 人氣()