最後倫仔肉緊攬住夏蕙 BB激咀,呢幕一定睇到觀眾…… 

娛樂喧

微電影激咀花𡃁  82歲夏蕙 BB︰初戀返晒嚟

Ads by Google

82歲夏蕙 BB言行一向出位,乜都夠膽死。近日她在情人節微電影《五顏六色愛戀過》中與花𡃁激咀,網上熱爆。自稱近 60年冇同男人激咀過的夏蕙 BB,亦回味無窮︰「同倫仔談情,令我初戀感覺返晒嚟!」
據知微電影男主角倫仔(鄺坤倫),今年 27歲,乃澳門電視台主持,今次是第一次做主角。他坦言接吻戲是「導演大整蠱」,皆因場戲由原本的借位變「嚟真」。不過勇氣可嘉的倫仔,最近被網友稱為「烈士」,出晒位噃!

微電影《五顏六色愛戀過》的導演阿東與倫仔都是在澳門電視台工作,兩人私交甚篤。近日阿東想在情人節拍一部微電影,宣揚「真愛無年齡界限」,於是找來倫仔做男主角。之前他在報章見到夏蕙 BB,覺得她十分前衞,於是膽粗粗找她合作。
今次導演阿東投資了五位數字,拍攝班底及其他演員,都是碌人情卡,成套微電影,知名度最高,算是夏蕙 BB了。阿東表示︰「初時以為機會好微,點知同 BB經理人小肥豬一說即合, BB仲親身過澳門拍了兩日,好多謝佢。」
據知夏蕙 BB今次純為幫人完成心願,只是收了封利是做「片酬」,就連拍攝的服裝都是自備。

在微電影中,男主角倫仔的女友突然由後生女變了阿婆(夏蕙 BB),全世界都不接受這段嫲孫戀,但倫仔卻不離不棄。

呢場戲夏蕙 BB主動向倫仔提出分手,倫仔卻說:「你一日係 BB,一世都係 BB。」

82歲夏蕙 BB依偎倫仔勁小鳥依人,不過倫仔就笑得好尷尬。
60年銀幕處女咀
夏蕙 BB指她從影六十年來未拍過咀戲,今次可謂她的「銀幕處女咀」。她說:「莫講話拍戲,真實生活中我都好多年冇咁激情咁錫過啦! 18歲時同胡先生(前夫胡百全)拍拖後, 20歲至激情咁錫過咋。(咀花𡃁有冇尷尬?)都冇嘅!因為當時投入個角色,我真係好愛呢個男人吖嘛!喺戲裏面同倫仔拍拖,令我初戀感覺返晒嚟!心諗如果呢個係我老公就好嘞!不過講到尾,今次幫到人係開心嘅事。」
夏蕙 BB好享受拍攝過程,但男主角倫仔提起這幕激咀戲,就尷尬萬分,面都紅晒。「導演大整蠱啦!之前只係話同夏蕙 BB攬吓得㗎嘞,最尾拍時先至講(咀戲)咋!之前提都冇提過!當晚臨拍之前就話不如你哋借位錫一錫啦,點知借完位又話唔夠逼真,不如真咀,其實冇心理準備㗎!」倫仔苦笑說。
倫仔說︰「其實女朋友唔知我要同夏蕙 BB咀㗎!我係先斬後奏,好在拍完後話佢知,佢只係『哦』咗一聲咋!」他尷尬謂:「我諗佢都明白拍戲啫,唔會戲假情真嘅!」此時導演阿東大講風涼話:「 BB儲咗幾十年嘅幕前初吻俾咗你,補身呀,今次驅風呀!」
無論如何,踏入 2015,夏蕙 BB又完成了她人生一大創舉,呢個「驅風之吻」,為馬年提供最後的爆笑位。

導演阿東(右一)話夏蕙姨好好咀,仲作狀咀佢𠱁老人家,但最終都係作狀,證明「驅風之吻」唔係個個男人頂得住!

《五》片在澳門取景拍了兩天,每天工作八小時以上。不用埋位時,夏蕙姨閉目養神,倫仔很細心拖住 BB,好有老人家心。

夏蕙 BB呢身美少女戰士造型,令到唔少 fans震驚。

夏蕙 BB言行出位,瞓棺材都冇避忌。
《五顏六色愛戀過》講啲乜
這部由幾個年輕人拍攝的微電影,片長 21分鐘。除 2月 13日在網上播出外, 2月 12日喺澳門瘋堂十號上映三場,票價仲任你開,全部捐給澳門獨立製作人,完場後更可以同夏蕙 BB影相,甚至抱抱或者咀嘴。

倫仔與女友吵架,一怒而去。

女友起牀後,居然變成了夏惠 BB。

倫仔不知如何向父母解釋,女友變了個阿婆,在大眾壓力下崩潰, BB決定分手,但倫仔勇敢地激吻,一吻後夏蕙 BB變回以前女友,大團圓結局。
微電影熱潮
近年來流行微電影,除了簡單表達訊息,還可以用作廣告宣傳之用。


《一線鍾情》
由《來自星星的你》製作班底拍攝,戲中李敏鎬與台灣女星郭碧婷用網絡傳情, sweet爆。


《 12星座愛情故事》以 12個星座不同的愛情故事,去推廣 12款不同的保溫杯。

撰文:娛樂組
攝影:攝影組

全站熱搜

tvb4life 發表在 痞客邦 留言(0) 人氣()