fuck1.jpg


自信心爆棚23歲的梁齊昕,身為特首女卻毫不避忌,一心高調投身娛圈。早前她現身時裝活動,見記者即脫去皮草外套,搔首弄姿勁擺不同 pose, model上身任影唔嬲。 

滾熱辣

鹹片鼻祖曹查理傍住 齊昕性感爆入娛圈

Ads by Google

特首女梁齊昕言行出位成為全城熱話,本周二( 10日)電影公司更臨時臨急開記招,宣布梁將處女拍片,不過她在記招開始後聲稱「唔舒服」甩底。翌日隨即被影到風騷遊中環,似乎拍片「淆底」之說不無道理。 
為打響出道頭炮,梁齊昕於片中不但有牀戲,更以三點式性感上陣。演員名單更有鹹片鼻祖曹理查同江湖大佬陳惠敏坐鎮,加埋個極似三級片的戲名《男極探射燈》,今次肯定激到 689有得震冇得瞓。

梁齊昕去年底獲拍慣三級片的導演劉俊輝賞識,度身訂造捧她做女主角。知情人士說:「大家開會選角時就着力去提啲有代表性嘅演員,嚟突出個片種。導演佢一諗就諗到曹查理,佢最近都有客串情慾片,搵佢傍住特首女就夠晒噱頭啦!」難怪片中另一男主角的樓南光都話:「有曹查理至少都兩級半啦!」

翌日好番晒
梁齊昕周二( 10日)因病缺席記招,翌日卻被發現在中環腳底按摩,再去 ifc行街。當她發現記者即換件藍色背心騷 quali,徒步行返禮賓府時仲問記者:「我係咪真人靚過上鏡?」睇佢個樣唔似有病喎!
《蘋果日報》圖片

《蘋果日報》圖片
海報遮曹查理名
據知曹查理雖然口頭應承接拍,但礙於仍未簽約,亦未收到劇本,故周二( 10日)的記招,他未有出席,反而去了何家駒(大咪)的喪禮。而記招現場的海報,曹查理的名字亦以紅紙遮蓋。對於邀得特首女處女下海,劉導演對記者說:「我係機緣巧合,由中間人介紹識到齊昕,初時都唔知係特首個女,後尾先知。啱啱識佢已經覺得佢好靚,好啱做戲。」他又大爆新片中齊昕有牀上戲,又暗示她會以三點式演出:「牀上戲只係佢喺牀上食朱古力,成日俾蟻咬。佢戲中角色係做社工,好正面。(齊昕係咪會着比堅尼出鏡?)睇下男女主角拍拖會唔會游水囉!」
電影公司雖然為齊昕專登開記招,但最終她聲稱有病行唔到而失場。劉導演在記招起初笑面迎人變成後來憂心忡忡,接受本刊訪問時更語無倫次。

前輩經驗老到

曹查理拍過多套三級片,包括《卿本佳人》、《情不自禁》及《三級七日情》等,被喻為港產三級片鼻祖,梁齊昕與他合作一定獲益良多。

三級片導演
導演劉俊輝在記招上收到梁齊昕甩底的消息後,神情凝重,不時神神秘秘講電話。劉導演早年在邵氏做武師入行,後自組三寶影業公司,拍江湖片及三級片為主。曾執導三級片《根太軟》,又出品兼監製電影《三度誘惑》、《四度誘惑》及《人頭豆腐湯》等。

周二( 10日)電影公司臨時開記招,在梁齊昕、曹查理及陳惠敏缺席之下,演員陣容只剩下李逸朗、 Eddie及樓南光等。

記者會現場的電影海報上,列明主要演員,其中曹查理及陳惠敏未有現身,名字亦被遮住(圈中)。

戲中飾演齊昕父親的陳惠敏周三( 11日)出席公開活動,大讚齊昕靚女兼聰明。

身為男主角的李逸朗事前竟不知女主角是梁齊昕,他說:「簽約嗰陣唔知女主角係邊個,但我睇過劇本覺得唔錯,所以就接咗喇!(咁如果對手係黃夏蕙?)如果係夏蕙姨,咁呢套真係笑片。」
網民柴台
梁齊昕拍新戲《男極探射燈》(暫名)做女主角新聞一出,轟動整個網上討論區。對於齊昕於戲中飾演一名愛心社工,夥拍李逸朗還有牀戲,網民即議論紛紛。當中更有不少人為該電影改戲名,非常有諗頭。

記:會唔會擔心開咗鏡齊昕先至話拍唔到?
劉:唔擔心,好濕碎啫,如果佢唔做咪拍少部戲,做咪拍多部戲囉!
記:即係佢唔做就唔拍?
劉:唔係,唔係咁嘅意思,有時事情要發生都冇辦法㗎!隨緣啦!
齊昕翌日竟被影到單拖外出,在中環閒逛 4粒鐘,其間更一度在 12度低溫下除剩背心狂擺甫士,看來她並非病到出唔到門口。

佢要做 model

梁齊昕對自己的身材及樣貌都信心十足,不時着三點式影相,她更表示為入行不介意整容。
遷就齊昕即日吹雞
據知劉導演為了齊昕已百般遷就,知情人士透露:「導演知道特首唔鍾意個女咁高調,唔多唔少會有掣肘,所以導演乜都就晒齊昕。呢個記招都係齊昕臨時話行得開先至搞,其實其他演員都搵得好急,佢哋乜都唔知。」
當日記招上樓南光勁呻:「乜都唔知!錢又唔知!名又唔知!演員又唔知!劇本又唔知!乜都保密!」看來真是臨時拉伕上陣。而 EO2的 Eddie就話:「我都係一個星期前先傾好拍呢套戲,但係未有劇本,就算有咩演員我都係尋晚先知。」而江湖大佬陳惠敏亦有份參演,飾演齊昕父親。周三( 11日)他接受本刊訪問時說:「尋日去咗深圳趕唔切返落嚟!(驚唔驚齊昕拍拍吓唔拍?)導演同我講佢簽咗約,最緊要有心學做戲!」記招後,有傳電影因一男子因素,打算刪減齊昕與李逸朗的牀戲,但齊昕五時花六時變,拍唔拍得成都係未知之數。

梁齊昕多次公開大數母親的不是,又曾在 facebook上載𠝹手自虐的照片。特首梁振英多次公開全家福,力證與梁齊昕相處無問題。

寸嘴語錄
梁齊昕雖然在英國讀法律,但她一直發明星夢,為了出位得罪人多稱呼人少,更曾與杜汶澤在網上隔空開火。

粗口鬧名模
去年 12月,她自薦做 model,多間香港模特兒公司收到一封由「 Chai Yan Leung」發出的電郵,內容提及對模特兒工作感興趣,並附上多張相片。及後被名模馬詩慧批評指「多一個唔多」,梁齊昕即時於 facebook以粗口還擊「 Omg,lol what a joke xxxxx And xxxxx is馬詩慧!??」明寸唔識馬詩慧。

令父母激心
上月底,梁齊昕為有線錄影《我係梁齊昕》,一連 7集的節目不時爆出精警金句,當講到父母她說:「我同佢哋嘅世界觀唔同,有 generation gap,始終我十二、三歲去咗英國讀書,睇法比較開放……唔可以話反叛,但係貪玩囉。」、「激到佢哋差唔多心臟病發」。她更自言為加入娛圈,甚至唔介意整容:「如果經理人需要我整咪整囉,如果公司要求,咁都係工作啫。」言論大膽,行為突出,節目出街後,即時引起極大迴響,甚至有網民封齊昕為「暗黑女神」。

梁齊昕接受有線專訪,自爆與父母關係疏離,對於早前被轟在網上出 post話香港納稅人的錢,是供她買名牌袋與衫,她說:「香港人俾多啲幽默感啦!」

電視做騷
梁齊昕接受有線專訪,自爆與父母關係疏離,對於早前被轟在網上出 post話香港納稅人的錢,是供她買名牌袋與衫,她說:「香港人俾多啲幽默感啦!」
為「齊陰」打氣
CY女梁齊昕殺入影圈,套戲未開拍已經咁富娛樂性,唔止網民有意見田( 99%都係負評),藝人又點睇呢?


黃秋生:拍戲冇話適唔適合,人人都可以拍,講外觀條件佢幾好呀!不過嗰間電影公司點搵到佢?點說服佢拍戲?佢父母又知唔知呢?」


劉嘉玲:吓!真係㗎?咁好嘅新聞?好事吖!每個人都需要勇敢去做自己,唔好因為自己係邊個嘅後代而俾咗個符號佢,要做自己喜歡嘅事,每人都有呢個權利,只要唔係害人就可以。


張家輝:電影圈好 open,我自己拍嘅鬼片都有用新人,有啱嘅角色都可以。


徐濠縈:係咩?恭喜佢有戲拍,最重要做到自己鍾意嘅嘢。

撰文:娛樂組
攝影:攝影組

全站熱搜

tvb4life 發表在 痞客邦 留言(0) 人氣()