同你吟一吟

劉嘉玲北京約發哥 梁朝偉單飛印度

Ads by Google

上星期二(二月三日)晚,劉嘉玲殺起最後一 round《杜老誌》,做完十五場舞台劇氣都未回,已經撲咗上大陸,同發哥周潤發、張家輝一齊為賀歲片《賭城風雲 2》做巡迴宣傳。

 


有發哥答應 80歲都繼續合作嘅劉嘉玲,有嘢做就精神;梁朝偉剛好相反,生活係放假再休息又放假。老婆要飛北京做電影宣傳,朝偉校啱時間一齊飛,不過係自己一支公去印度。
咪以為朝偉獨沽一味滑雪,信佛多年嘅佢,其實會定時定候去靈修,呢段時間,佢唔搵人,人哋亦搵佢唔到,總之日日打坐同打坐。
一動一靜,依然相安無事,真係少啲包容、忍耐,都頂唔住。梁朝偉高,劉嘉玲仲高!

上星期五,梁朝偉一支公飛印度,入閘俾職員 check登機證護照,偉仔守規矩除帽。

「自拍神」發哥公開應承嘉玲八十歲都再合作,仲一齊同台下過百傳媒 selfie。

有嘢做就生猛嘅嘉玲,做完十五場舞台劇再緊接飛大陸宣傳《賭城風雲 2》,同佢同宗劉華一樣,女版劉鐵人。
同發哥一樣 fit咗嘅發嫂 Fendi限量 Peekaboo襯有帽 sweater,見到喺戲中做張家輝個女嘅王詩齡 Angela,肉緊到抱住佢坐。


撰文:八珍
nextb@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()