高海寧得寵,獲安排加入《愛•回家》,幫她形象入屋,可惜觀眾唔受,鍾意她性感晒波多啲! 

探熱針

提早收檔 《愛•回家》五月處決 高海寧無得留低

Ads by Google

上星期播到七百集的《愛•回家》,因為收視持續向下,直接影響植入廣告收益,也令繼續加碼的計劃告終;據了解,大台已下令播到五月就收檔,預期拍到八百集的好夢幻滅。
決定止血,大台亦埋首為新處境劇埋班,據知有部分《愛•回家》班底,將會有得留低,其中包括劉丹、黎諾懿、徐榮、張達倫、楊卓娜同蔣家旻。

 


收視暴跌
《愛•回家》由一二年三月開播,做了接近三年,因為收視理想,其間不斷添食、加入新角色,但好景不常!大台已下令收檔,大限之期:五月!即使監製徐遇安希望拍到八百集才冚旗,但公司高層一致否決,要《愛•回家》盡早玩完。
播映初期收視平穩,長期有廿五、廿六點,就算其餘兩線黃金時段劇集收視暴跌,《愛•回家》都穩得住,甚至有段時間高過兩線劇集,難得硬淨,令劇集可以不停添食延命。
直到近半年,《愛》劇終於冇法承接,收視跟兩線劇一齊下跌,只在二十點邊緣徘徊,由於收視跌過一個特定數目,大台便需要向廣告商交代,加上植入廣告數量大倒退,廣告收入銳減,有見及此,高層唯有手起刀落,堅持「處決」。

上星期六,高海寧、古明華同一班《愛•回家》演員到銅鑼灣派利是封,兩個新加入的演員受歡迎程度不及一班台柱演員。

高海寧將會同黎諾懿做一對,但係觀眾唔多受落,始終懷念馬壯(黎諾懿)同朱慧敏一齊。

又係同一班人
至於接力的新一套處境劇,已經在埋班中,換湯不換藥,是以新劇會沿用大部分《愛•回家》演員,身為處境劇台柱,由《真情》、《皆大歡喜》、《畢打自己人》、《天天天晴》到《愛•回家》的劉丹會被保留外,馬家成員大部分亦有得留低,包括徐榮、林漪娸、黎諾懿及蔣家旻。
過往由於「查李施」同「史林廖賴」兩間律師樓的劇情得到觀眾歡迎,所以「嚴謹」張達倫、「霞姐」楊卓娜同「查家澤」黃子雄亦有得入組。
反而新加入的高海寧,即使劇組不斷加重其戲份,但無論收視和人氣,都一池死水,打仗幫唔到手,就算有殼王撐腰,一樣冇得留低,新處境劇,冇佢份!

劉丹是處境劇鐵膽,所以下一檔處境劇他眾望所歸有得留低,而黎諾懿亦有份留低。

馬家大部分成員都可以冧庄,徐榮同蔣家旻已落實有份,而張達倫同楊卓娜都因為有觀眾緣,所以都可以留低。


之前《愛•回家》好收視,全台高層都出席撐,現在收視跌,馬上就要他們收檔。

上星期《愛》劇編劇在微博上透露即將進入結局階段。

撰文、攝影:娛樂組
nextb@nextmedia.com

全站熱搜

tvb4life 發表在 痞客邦 留言(0) 人氣()