傑仔的生日願望是身體健康,感情事順其自然。 

探熱針

有面子 勁過台慶 蔡一傑 48歲生日星光熠熠

Ads by Google

今個月六日四十八歲生日的蔡一傑,上星期三(二月四日)在太子一個私竇擺兩圍,大佬蔡一智攜眷到外,蘇志威、容祖兒、許志安、關淑怡等亦有出席,傑仔生日宴比大台台慶還要星光熠熠,其中四圍搵人頭貼頭自拍的 Shirley,更加當正自己生日,非常盡興。

 


探熱針
提早收檔 《愛•回家》五月處決 高海寧無得留低

欠愛人伍姑娘
每年生日都大搞的蔡一傑,今年沒有主題生日派對,也沒有直踩通宵,只邀請廿多位圈內好友吃私房菜,出奇低調;雖然如此,但出席的人比起大台台慶,還要勁!
「傑仔一早講明今年唔會大搞,所以嗰晚被邀出席嘅,都係佢摯友,佢話同班老死坐低食吓飯,吹吓水就夠喎!」知情者說。
當晚親大佬蔡一智兩公婆在席外,應邀的還有蘇志威、容祖兒、許志安、陳慧嫻、關淑怡、關心妍夫婦、阮兆祥、胡楓、施南生、林姍姍、李浩林、周汶錡、黃佩霞、上山詩鈉及傑仔幾位圈外朋友,但獨欠他的 MV女主角「愛人」伍詠薇。
「伍姑娘忙住搞舞台劇嚟唔到,嗰晚大家都玩得好開心,特別係 Shirley,佢周圍搵人影自拍,仲要頭貼頭, high到唔知以為係佢生日!」

胡楓要趕返電視城開工,壽星仔親自送契爺
落樓。

整個飯局表現 high爆的關淑怡,離開時與男友人傾到哈哈大笑,不似陳慧嫻、李浩林一臉倦容。

陳淑芬是草蜢開個唱的搞手,合作多年的他們感情要好,傑仔生日,當然會有陳淑芬。

容祖兒傑仔老友鬼鬼,平時會約埋一齊煮飯仔。

蔡一傑上年的生日願望是希望勸服安仔戒煙成功,不過至今願望並未實現。

與一班朋友吃飯慶生,簡簡單單的快樂,正是蔡一傑四十八歲生日最想要的安排。

傑仔的「愛人」伍詠薇因要宣傳舞台劇,未有出席生日宴,但卻不忘在微博隔空送上祝福。

工廈隱蔽私竇
在私房菜擺兩圍慶生,蔡一傑由搵地方到請嘉賓都是一手一腳自己搞掂。
「食飯嘅地方喺幢工廠大廈𥚃面,門口睇落係間貿易公司,如果有人包場就會貼張 private party嘅紙,因為地方夠隱蔽,有唔少高官同圈中人熟客。嗰晚壽星請客,但個個都有送禮物俾佢同帶咗啲氣球嚟布置場地,走嗰陣傑仔仲將啲氣球全部拎走,帶返屋企。」知情者說。

私竇位於太子區的工業大廈,門面是貿易公司,非常隱蔽。

戥人高興一樣 high爆的關淑怡,事後將頭貼頭自拍照上載 instagram分享。

撰文、攝影:娛樂組
nextb@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()