上週日( 8/2),求婚成功的 Eddie帶準老婆朱慧敏到淺水灣酒店睇結婚場地。 

探熱針

外母墳前求婚  Eddie:照顧朱慧敏一世

Ads by Google

33歲的朱慧敏,與 EO2成員 Eddie(彭懷安)地下情三年,直至去年泊住上開餐廳,感情才正式浮面;近日朱慧敏更被發現身形突然膨脹,傳出有餡要趕住結婚。
雖然兩人否認搞出人命,但一直有結婚打算的 Eddie,上月就度好一條絕橋:帶女友到外母墳前,向對方求婚,並許下照顧一世承諾,終於得到朱慧敏 say yes答應。

 


冧死人
與 Eddie拍住搞食肆,夫唱婦隨的朱慧敏,對男友被網民踢爆夜店與韓妹把酒談心,又翻炒兩年前拖女夜蒲緋聞,仍擺出一副打風都打唔甩的姿態,投對方信任一票。
朱慧敏咁定,皆因今年初已獲男友派晒定心丸。
手揸四間「華星」餐廳的 Eddie,決定向拍拖三年的朱慧敏「找數」。為求一舉成功, Eddie揀在外母墳前求婚,向女友許下照顧一世承諾,令一直跟母親相依為命,○五年母親因乳癌病逝,無依多年的朱慧敏冇得 say no,爆!
「 Queenie都覺得 Eddie有啲古怪,成日問住佢幾時去拜 auntie(朱母)。上個月初 Eddie就對住 auntie個墓碑講,會好好照顧 Queenie一世,會好錫佢,叫 auntie放心,講完就攞咗隻鑽石戒指出嚟求婚;雖然 Queenie講過自己唔鍾意男友當住好多人面前同佢求婚,但真係冇諗過喺墳場囉!不過嗰刻真係好感動, Queenie一直好遺憾媽咪唔可以睇住佢出嫁,佢好明白 Eddie揀喺媽咪墳前求婚嘅用意。」知情者說。

朱慧敏鍾意戶外婚宴,故當日二人主攻酒店宴會大草地。其間遇上別人婚禮,恨嫁的她睇到入晒神。


去年台慶,感情已浮面的 Eddie同朱慧敏,在後台跟欣宜玩到癲。

兩歲父母離異的朱慧敏,從小跟母親相依為命,並視從商的硬朗媽咪如偶像。 04年參選港姐得亞軍,身患乳癌的朱母偕日籍丈夫,即朱慧敏後父到場打氣。翌年母親病逝,對她打擊重大。
擺五十圍
最近朱慧敏被影到睇婦科,身材又突然吹脹,於是被傳有餡。但據了解,墳場求婚後,朱慧敏即搵老友蘇民峰擇好日子,二人婚期已定於明年初,堅持娶老婆要大搞的 Eddie,已開始拖埋準老婆四圍睇場地。
「原本 Queenie話旅行結婚,但 Eddie話今次係自己一生人最大成就,結婚開心事唔可以低調,至少擺五十圍。早排佢哋去過 Country club睇場,因為 Queenie鍾意戶外婚宴。
「我哋成班朋友都有問過究竟係咪『搞出人命』?佢哋話做足安全措施,唔會有意外。」知情者說。

在幕前捱足十幾年,男的終憑去年《使徒行者》中「撻沙哥」一角彈出。

7/2提親
墳場求婚後,上週六 Eddie安排飯局向女家親人宣布婚訊。當日所見,準備成家立室的 Eddie坐在主人家位置主持大局。

要開工拍劇的 Eddie先走,之後朱慧敏陪住阿姨一家離開。

設宴提親
上週六(二月七日)晚, Eddie約了女家親屬,在灣仔君悅酒店的扒房飯聚見面,正式向女友的親人提親。翌日,兩人再拍拖到淺水灣酒店睇結婚場地,適逢有婚宴進行中,讓他們可以現場取經。
對結婚一事, Eddie承認婚期已定在明年初,但否認女友有咗。「佢日日落鋪頭打躉試菜,食到個肚腩凸晒,絕對唔係有 BB。」
至於選擇墳場求婚, Eddie解釋說:「 Queenie一直當佢媽咪係偶像,所以想呢個重要時刻(求婚),對住佢心目中重要嘅人做重要嘅事。不過可能太重口味,嚇咗佢一跳,過程唔算十足成功,所以遲啲都要補番少少飛,補番個求婚浪漫版。」

去年底入股三十萬,拍住男友開食肆的朱慧敏,日日落鋪打點,由賣包到收銀乜都做。

近日出席活動的朱慧敏被發現全身吹脹,因而傳出有餡,事後 Eddie否認,話二人不愛奉子成婚。

離開《愛•回家》,朱慧敏專心從商,明年嫁埋人,唔知對幕前還會否留戀。

朋友多的 Eddie,據知已 book定許志安、陳奕迅及梁漢文等好友任他的兄弟團。
羊年喜事多


由去年開始,娛樂圈喜事浪接浪,繼官恩娜、吳雨霏、王祖藍等人先後結婚,踏入羊年,亦有不少圈中情侶拉埋天窗,恭喜、恭喜!

章子怡 汪峰
二月初,汪峰在女友章子怡的 36歲生日派對上,安排了一部白色的飛行器,把從英國訂製的 9.15卡巨型求婚鑽戒送到女友手上,再加上紅寶石鑲鑽手鏈,結果求婚成功。


楊怡 羅仲謙
楊怡與羅仲謙拍拖三年,盛傳男方於去年女友生日當天已求婚成功,婚期定於今年八月,姊弟戀開花結果。

撰文、攝影:娛樂組
nextb@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()