李司棋移居祖國

李司棋已經有好一排唔見咗人,連大台TVB都唔見佢有劇開,究竟消失咗去邊度呢?東姑同好多觀眾都好掛住你o架!日前,咁啱喺一個慈善晚宴,畀東姑咁好彩撞見司棋姐,即刻飛撲埋去問吓呢輪佢去咗邊、忙啲咩呢?司棋姐就話已經冇簽TVB喇,

Ads by Google

諗住休息吓唔再咁辛苦拍劇住。不過,就算唔開工,都唔使同司棋姐憂,因為之前賺落唔少,買落唔少磚頭。佢單單喺國內就有三幢物業,其中喺中山仲啱啱起咗幢全新四層高嘅樓,除咗足夠佢做「地主婆」收租之外,佢打算遲啲移居返去大陸住,環境好、空氣又清新,真係好啱佢呢類上年紀嘅退休人士享吓清福o架!既然唔使忙住拍劇,司棋姐仲話嚟緊可以多啲參加吓啲慈善活動,幫吓人自己又可以郁吓!而且,佢仲有樣好陶冶性情嘅嗜好,閒時鍾意畫吓畫咁,心願就係畫到希望可以開到個人畫展,咁就真係very good!

司棋姐冇喺螢光幕前見佢一輪,依然容光煥發,難得露面出席「獻愛心.齊護苗慈善晚宴」。

除咗司棋姐之外,當晚仲有Angela區文詩嚟撐呢個慈善晚宴場,一齊為護苗出分力。

呢個以護苗為主題嘅慈善活動,由「張學良基金會」同「SmarkB TV」主辦,席間,仲有小朋友上台表演,大跳hit hop,非常精采!

    全站熱搜

    tvb4life 發表在 痞客邦 留言(0) 人氣()