常餐以外 

東來順(銅鑼灣) 地址:銅鑼灣登龍街 1號金朝陽中心 2期 Midtown 26樓 電話: 2763 7038

羊年窩心【米芝蓮廚神駐場】

Ads by Google

二月來到,唔好淨係掛住計劃情人節,一家人齊齊整整食餐團年飯同樣重要!又同屋企人去老地方?親戚父母唔嫌悶,你自己都悶啦。今次精選四間話題新店,有名廚主理新派京菜、得獎過江龍、高檔淮揚菜及精緻素食小店,唔使年年都食粵式小菜咁冇新意。花點心思,給家人一個驚喜吧!

 

 

 

一眾食家老饕,或者常睇飲食節目的師奶們,肯定會認得陳國強師傅。他於帝苑酒店東來順任顧問總廚多年,曾獲米芝蓮一星、《大廚出馬》總冠軍、香港美食之最大賞等,是本地名廚級人馬。今次東來順首設銅鑼灣分店,陳師傅兼任執行董事之一,並冇繑埋雙手做老闆,堅持每日落場親自下廚,相當緊張出品。新鋪有不少獨家菜式,他說:「以前酒店比較多掣肘,現在則可以突破框框,這兩年我不停參加比賽、又擔任節目主持,學習了好多。這裡會用更多不同地方的食材,而且近街市,可以入多點新鮮貨,做法亦更多變。」
今次陳師傅設計了十二道賀年菜式,精選多種好食材如一頭青邊鮑、亞拉斯加長腳蟹等,更融合不同菜系,好似帶有新加坡色彩的撈起,有日本魚生、沙律菜、青木瓜絲葛等多種材料,拌上炸蒜、日式柚子汁及蛋黃芝麻醬,相當惹味。另一款豐衣足食,將星洲名菜麥片蝦,換成亞拉斯加長腳蟹,賣相更勁更好吃,亦有百寶雞、百花釀海參等手工菜。正值羊年,又新增四款羊肉菜式應節,比傳統的圍菜更有新意。所有菜式可以選擇散叫或預訂每席$9,888九道菜套餐,更有彈性。
銅鑼灣店比尖沙咀店更大,地方足五千呎,落地玻璃外 180度維港海景,更加開揚舒服。還有一個露台,可坐四十人左右,在中菜餐廳非常罕見。唔怕凍的話,在這個空中花園食團年飯都幾特別!


陳師傅很多時候都會在店內親自下廚,又會堂弄菜式,做了老闆後唔會只做行政管理。 

麥片蒜香亞拉斯加長腳蟹腳$588(大)、$388(例牌)每份有四件蟹腳,斬件加蛋漿炸,加入麥片、金蒜、辣椒及椒鹽,香口又不過鹹,伴碟的炸粉絲加鹹蛋黃炸成,香脆惹味。 

千絲蝦鮑魚糯米飯$218/位(散叫菜式)亞洲名廚大賽得獎作,蝦肉加蝦膠用一條條麵包絲包着,糯米飯用瑤柱、冬菇、雞肉臘腸及鮑魚粒炒成再煎香,加上原隻扣鮑魚及鮑魚汁,相當矜貴。

撈起配特色醬汁$888有鮑魚、多種日本魚生、青木瓜、沙葛、紫蘿蔔及沙律菜,配上金蒜、炸芋絲、柚子汁及芝麻蛋黃汁,魚生配蒜頭好香口,酸香開胃。 

金湯百花釀遼參$788/6條海參釀入以中蝦、麻蝦及花枝打成的蝦膠,厚肉彈牙,配上用南瓜製作的金湯及臘鴨肉碎,微甜帶甘香,很有層次感。 

練市醬羊排$188選用內蒙羔羊排,以紅蘿蔔、紅棗、醬油、京葱、冰糖花雕及多種香料慢火炆三個鐘,羊肉入味濃郁,不覺羶味。

東來順冷菜全盒$688分量足六至八人用,有齊六款東來順招牌涼菜,包括花雕醉雞、煙熏桂魚、鹽水鴨、葱油蜇頭、水晶羊肉及油炆冬菇。 

室外露台有多張細及中枱,不過都幾大風,唔怕凍先好坐出去! 

東來順(銅鑼灣)

地址:銅鑼灣登龍街 1號金朝陽中心 2期 Midtown 26樓
電話: 2763 7038
營業時間:星期一至五 11:30am-3pm, 6pm-11:30pm
星期六、日及公眾假期 10am-3pm, 6pm-11:30pm
注:菜式供應至 3月 5日,年初二已爆滿




撰文:張頌婷、吳韻菁
攝影師:胡春輝、譚俊軒、梁炳權
模特兒:劉頤、劉蕙、胡諾甯、廖淳一、林煥然
羊羊服裝提供: Matteo Party(網址: http://www.matteoparty.com電話: 2342 8887)
mailto:hotpot@nextmedia.com

    tvb4life 發表在 痞客邦 留言(0) 人氣()