非接觸式紅外線感應器反應快,一放手掌上去就認到,不過要放在一定高度及位置,要適應。 

ILIKE

靜脈開機

Ads by Google

保安嘅嘢,有時真係唔會嫌多,尤其係手提電腦,裡面放咗咁多重要資料,俾人偷咗嚟睇,隨時好大鑊。

 


@周群雄 

以前啲手提電腦一般都係用指紋加強保安性,但 Fujitsu最新嘅 LIFEBOOK S935,就轉用 PalmSecure技術,講緊嘅唔係 scan掌紋,而係用紅外線感應器記低掌底下嘅靜脈分布,要偵測到血液流動先開到機,斷掌絕對冇用。試過用嚟記低自己嘅靜脈資料,開機嗰陣雖然冇 iOS嘅 TouchID咁快,但基本上一秒內就認到。另外,部機可插 SIM卡上網,真係唔見咗,都可以經專用網站遙距刪除硬碟所有資料,認真安全。

跪低

一張「 D7689」號碼布掀起咁大場風波,公關最後仲要跪低,真係火都嚟!不過有啲字,真係唔多適合印喺件衫度囉,講緊嘅係上個禮拜 NBA公布咗兩款羊年波衫,專登用中文字印咗「勇士」同埋「火箭」兩隊隊名喺件衫度,年初二同埋年初三比賽時著。我知你要吸納大陸市場,但係仲有好多公關宣傳手法吖,印個字喺心口呢招,出手好低囉!


成件事好彩在兩個隊名繁簡寫法一樣,如果唔係,香港同台灣罷睇 NBA都似。 

@潘健文 

外形先行

好耐之前已經想買個藍牙喇叭放喺屋企聽歌,貪佢唔使駁線咁麻煩。睇嚟睇去,外形靚,音質又差少少;聲甜,賣相又唔討好,都幾難揀。最近 Onkyo推出嘅藍牙喇叭 LEvoke23(售價:$998)就幾啱心水,金色加白色外殼合眼緣;再講音質,聽慢歌嗰陣中高音同人聲部分表現都幾好,不過一聽快歌,高中低音唔夠分明。好在我主要都係聽慢歌多,好,就揀佢!


Onkyo LEvoke23最長用到八個鐘,仲有個 USB插頭,可以幫手機充電。 

@勞耀全 

朝聖

美國探親,順道放假,揸車去 outlet去 mall之餘,今次終於去咗講咗好多年要去但係冇次去得成嘅蘋果總壇── 1 Infinite Loop(最搞鬼係老婆大人實牙實齒話去過,但係我真係一啲印象都冇喎)。位於加州 Cupertino,點去?好簡單,租架有 navigation嘅車就得……唯一要注意係嗰度車位緊絀,搵位睇彩數。做乜泊低架車?影相同買嘢囉, Apple Company Store,地球上唯一一間賣蘋果正貨精品嘅 store。 T-shirt就冇買喇,買咗隻玻璃杯同一條證件繩。當然, facebook Check In又點少得呢,結果係俾朋友「笑」:你平時日日都出入蘋果(壹傳媒大樓)。


1 Infinite Loop,影張到此一遊相,人人都係咁做。 


@劉定邦

text:科技組

    全站熱搜

    tvb4life 發表在 痞客邦 留言(0) 人氣()