前亞視藝員林祖輝:執咗就係救亡!

林祖輝、姚嘉妮夫婦都是前亞視藝員,前者由八九年開始,見證林百欣到封小平年代,幫亞視打工十一年;至於嘉嘉是九八年亞洲小姐季軍。近年轉戰商界,大搞童裝生意的祖輝一年內開足五間分店,而且間間都有錢執,新店位於人流密集的尖沙咀。對於前東家千瘡百孔,祖輝直言要換老闆,「執咗佢係最佳嘅救亡方法,咁講唔係要打爛舊同事飯碗,因為亞視成個架構好有問題,要醫好個病先能夠健全,但醫藥費太貴,由零開始係最好,發牌畀一個新成立嘅免費電視台先係上策。」

Ads by Google

林祖輝見證過亞視的光輝歲月,他細數:「喺林伯管理下嘅亞視係最輝煌時期,除同時間自製幾套劇集外,外購劇《還珠格格》都好收得,製作嘅綜藝節目好似《百萬富翁》、《今日睇真D》、《尋找他鄉的故事》等都好爆,收視直逼無綫,好威水。不過,自從封小平入主後都開始唔對路,令我決心要離開,但比起依家情況仲係好得多。現時嘅亞視冇長遠節目策略,好似無綫嘅處境劇《愛回家》咁係要慢慢煲等觀眾接受,試問近五年亞視有邊個長壽節目呀?《對酒當歌》非一般娛樂性節目,觀眾唔會感到有興趣!」

 

祖輝強調唔想評論亞視老闆,但又忍唔住,「做老闆嘅畀錢出嚟就得,帶藝員出嚟跳舞真係嘥氣,你哋幾時會見到六叔(邵逸夫爵士)生前會落場唱歌同跳舞吖?佢係一個精神領袖,適當時間出現見吓大家就足夠。」

祖輝表示見到多年舊同事葉家寶(亞視執行董事)頻頻出嚟交代事情進展都好辛苦,更擔心他有冇糧出。

 

 

祖輝大讚林伯管理下的亞視是最輝煌時期,外購劇《還珠格格》好收得,製作的人綜藝節目好似《百萬富翁》、《今日睇真D》、《尋找他鄉的故事》等都好爆,收視直逼無綫。

    全站熱搜

    tvb4life 發表在 痞客邦 留言(0) 人氣()