爆壹爆

和尚去時代廣場鳩嗚

Ads by Google

強國向來冇嘢真,和尚都係假。上週爆哥逛銅鑼灣時代廣場期間,就發現兩位內地和尚在多間名店「觀光」,佢哋品味甚高,似乎對高檔的男裝衫和鞋特別垂青,不停細心研究質素,優哉游哉進出各間名店鳩嗚。

 

當中一名和尚還拿着最新型號的手機把玩着,爆哥忍唔住,好奇上前問大師,點解會逛名店,而唔喺古剎內帶領眾生學法悟空呢,估唔到大師好有智慧咁九唔搭八,「我根本冇錢買名貴物品,只是跟隨老總來購物而已……」之後兩位肥肥白白嘅和尚又再在名店間穿梭,顯得非常着迷。係人都知,來香港乞錢嘅內地和尚好流,連和尚身份證嘅度牒,淘寶網都有得出售,所以假和尚來港購物,甚至嫖妓,一啲都唔奇。

黑幫血戰邊緣

呢幾日,好多江湖中人打來爆料,話水房同勝和差點爆發血戰。話說十號凌晨時分,勝和元老雞腳黑同水房肥啟食消夜。食完嘢,雞腳黑順道車肥啟返屋企。點知當去到油麻地嗰陣,突然被四架車截住,約十個手持鐵通大漢衝出,不由分說狂扑雞腳黑架白色平治,擋風玻璃同車頭都爛晒,而肥啟就俾人拖出車狂毆,不過雞腳黑就冇被人郁。
搞到咁大鑊,原來係水房高佬發手下一直想搞肥啟,事關肥啟係佢仇家業仔陣營,兩幫人因坐館問題而血戰多年。但班手下太新,唔認得雞腳黑,又唔知肥啟上咗勝和超級大佬架車,接到行動命令就天王都冇面俾。據知當晚勝和同水房都吹晒大雞,香港差點爆發黑幫混戰,好彩高佬發知大件事,立即打電話俾雞腳黑耍冧講鎖你,並承諾負責車輛維修費用等,雙方先及時收韁,唔係都唔知點收科。

四眼柱幫內尋真兇

經常在深水埗打躉嘅勝和猛人四眼柱,早前在區內茶餐廳飲茶嗰陣,被人尋仇追斬,江湖傳聞四起。前兩日,四眼柱終於來電話報平安,聽佢把聲仲中氣十足,佢不斷強調自己乜事都冇:「 OK呀!冇事,冇嘢!我而家隻腳打緊石膏,仲未郁得。」佢話而家要喺屋企休養一排,邊度都唔去得,遲啲會去醫院拆石膏。
江湖傳出四眼柱多個遇襲版本,包括欠人波數、爭裝修工程、和同門結怨,甚至乎參與佔中都有,佢本人就極力否認爭波纜數嘅傳聞,佢話:「差人自己作嘅啫。」原來佢本人都有睇上期《壹》仔,當時爆出四個可能遇襲真相,四眼柱騎騎笑,不置可否,咁究竟邊個咁沙 pot,夠膽斬佢呢?四眼柱話件事唔會就咁完:「未知喎,我哋內部都查緊發生咩事,差人都好緊張,着手調查。」


爆哥乜料
金融界撈家,穿梭黑白政商界,朋友遍布旺角至中環,每星期都八到唔同料,同《壹》仔讀者過吓癮!

    全站熱搜

    tvb4life 發表在 痞客邦 留言(0) 人氣()