礦洞荒廢四十年,過百隻蝙蝠「逆權侵佔」聚集,成了這兒的新主人。 

編輯室手記

地心探險記

Ads by Google

唔講唔知,香港原來都有礦洞,攝記阿 Ming聽到朋友、歷奇愛好者阿耀分享馬鞍山礦洞的探險經歷,立即提議影《圖片故事》。同事們一聽相當興奮,想馬上出發,但既然去迪士尼都要做足準備,入礦洞影靚相,又點只戴帽帶水咁簡單。出發前,阿耀更特別提醒記者,走入礦洞很危險:「要浭水、又要屈身行,記得戴頭盔否則撞爆頭。洞內全黑無光源,條路勁斜要游繩落,入面仲有蝙蝠,小心呀。」

 


地心探險不只一條路,感謝探險達人阿耀,帶記者行一條斜達六十度的上坡路,體驗礦工辛勞。 

講到咁真係有啲驚,但為咗影靚相和還原昔日礦工歷史,記者攝記一行四人,週日晨早九點出發,不單帶備頭盔,更有數支電筒、手套、大量電池,當然唔少得「老婆」攝影器材。
萬事俱備爬入洞,未幾即到那段長過百米、斜達三十度的碎石下坡路,向下望,漆黑一片深不見底。所謂「一膽二力三功夫」,少啲膽量有齊裝備都唔敢落,無理由縮沙咁衰仔,於是一齊深呼吸之後,來吧,靠雙手抓緊一條繩和微弱的頭盔電筒燈,一步一驚心緩緩向下行。記者當時心想,一旦在碎石路上抓不住重心,向下跌就係咁先,唯有盡量不回頭看,並靠聲音互相呼應,確定大家安全。

 


入洞前,記者點算裝備:數支電筒、頭盔、手套、大量電池、多部攝影機缺一不可。小記出門口時也被老爸問:「去打仗呀?」 

行了近一個小時後,終於到達礦洞中心,那刻猶如置身電影《地心探險記》的場景,洞內分岔路之多如迷宮,但內裡原來留有不少寶物,記者即時變考古佬:「嘩,礦車呀。」、「喂,有報紙碎片,快啲睇吓有無日期。吓?鹹報。」、「好似辦公室,當年用啲電池仲喺度。」一行人沿着礦坑車軌而行,部分路段早已塌下,記者穿插石罅,看到石頭閃閃發亮,手上的磁石更可吸着石頭,原來是磁鐵礦。礦洞一九七六年停產,身處其中恍如時光倒流。
回程時,下坡變上斜,重心相對易抓住,一行人馬不停蹄向上走,如災難電影大結局般齊齊衝出洞口,重見太陽時大家都累得無嘢講,就連多次跑山採訪無難度的「鐵人」攝記 PC,都不禁連環喘氣。回想當年礦工為搵食每天搏命出入,馬鞍山下的精神,真的有血有汗。(葉天佑)


mailto:centipede@nextmedia.com

    全站熱搜

    tvb4life 發表在 痞客邦 留言(0) 人氣()