同你吟一吟

龍友張兆輝捉陳敏之試機

Ads by Google

上星期二(一月二十日),大台新劇《性在有情》喺西貢大尾篤拍外景,張兆輝同劇中做佢老婆嘅陳敏之、外父鍾景輝、外母盧宛茵都有份埋位。
拍扒艇仔戲,就算隻艇有人拉住,但喺水搖吓搖吓,高踭鞋旗袍上陣嘅陳敏之同盧宛茵,上落都要人扶。

 

西貢拍外景,男主角張兆輝有備而來,帶埋部 Canon EOS-M開工做龍友,埋位前後,不停捉陳敏之做 model,搵位試機,係咁影。
由《結分@謊情式》、《神鎗狙擊》到《性在有情》,張兆輝平均一年返無綫一次拍劇,其餘時間,就用嚟賺人仔,密密執!講過鍾意儲到一嚿錢就買磚頭嘅佢,應該又夠籌郁手。


張兆輝攞住部三千蚊有交易嘅 Canon EOS-M做龍友, model陳敏之即刻睇效果。 

鍾景輝同盧宛茵埋位前,工作人員先上艇仔檢查一次,以策安全。 

做社工嘅張兆輝,同劇中做性治療師嘅陳敏之雖然有唔少床戲,但當事人話唔使露肉,只係劇情露骨。

撰文:八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()