反手咬尾指 

同你吟一吟

殼王陳國強 咬手指減壓

Ads by Google

有關「殼王」陳國強嘅緋聞,由葉璇到郭羨妮、徐子珊同高海寧,但無論「殼女郎」點變,「殼嫂」伍婉蘭都穩如泰山。

 

早排《壹》仔見到殼王殼嫂同朋友喺太古廣場 high tea,其間仲撞到賭王四太梁安琪,相請不如偶遇,四太直頭過枱,吹陣水。
飲完茶,殼嫂走入 Gucci睇新貨,明知女人有排買,殼王索性搵張梳化坐低等,只見佢一邊睇手機,一邊咬手指,由手指公咬到手指尾,相當「滋味」。
據講咬手指大多數成因來自心理情緒,包括緊張、抑鬱、沮喪、自卑等等。已經接替梁乃鵬成為無綫董事局主席及行政委員會主席嘅陳國強,唔通好大壓力?


享受手指公殼王一邊睇手機,一邊咬手指,正、反手輪流係咁咬,仲只限咬手指公、食指同尾指。 

殼嫂買衫買咗成個鐘,坐到腰骨痛嘅殼王,起身伸番個晒腩大懶腰。 


飲茶撞到四太,殼王主動埋去打招呼,之後四太禮尚往來,過枱同殼王殼嫂班朋友吹水。 


終於走得,殼嫂血拼完精神晒,殼王等老婆等到吽晒。

撰文︰八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()