客廳灰色梳化上放了蒙古羊毛咕𠱸作點綴,「全部都係 one piece,要多都無。」一張 Tom Dixon的 mirrored bronze top茶几約四千元,「我超鍾意金色,亦好鍾意呢個設計師嘅嘢。」 

名人家居

私人博物館

Ads by Google

來自新加坡,身兼創作總監、化妝師和形象總監多重身份的 Alvin Goh,最近由鰂魚涌搬往炮台山居住。 Alvin形容屋內與屋外是兩個世界,「我一離開呢棟大廈,我覺得我去咗另一個世界,出邊是好 local,呢區好親民。」入到屋便是他的世界,放滿 Alvin及其他設計師的作品,像在藝術館中游走。「今次想整到間屋係好 contemporary的 museum,有藝術、時裝和文化。」

重點裝飾

已入伙一年的單位,最近才粉飾好, Alvin說:「一搬來忙住同濱崎步做演唱會的形象總監,飛咗好多個月,啱啱呢兩三個月好勤力整好成間屋。」
新屋約有一千六百呎,全部白牆,「對我來說是一個挑戰,好似攞張白紙叫你畫一幅畫出來,自己一個諗晒啲顏色、 fabric、 texture。」
Alvin劃分出客飯廳後,還有空間闢出一角做 lounge area。客飯廳用白色燈膽,用來開會、睇書,和歎茶的 lounge area用黃光已足夠,分得仔細,「飯廳要光猛啲,所以呢度 cool啲,全部黃光太黑孖孖。」
為免單位感覺冷冰冰,家裡每個區域都用不同顏色來襯托,他為藝術展創作的作品,亦可以用來裝飾牆身, Alvin說:「擺喺 storage好嘥,不如直情用呢啲做一種設計,假如唔想嘥太多錢,可以買畫,畫有好多 color,好多感覺和唔同設計。」這裡的家具擺設也不是件件貴貨,「最緊要用啲啱嘅嘢,擺一兩件特色擺設已成為成個地方的一個 highlight。」


進門先以荷李活道買回來的中式鞋櫃和現代畫,撞出對比。 

電單車 bookstand購自巴黎。 

牆上掛鐘為美國「設計之父」 George Nelson的 eye clock。

充滿色彩的 lounge area,集結印度的黃色茶几和地氈,一張毛毛圓椅為美國設計師於七○年製造。 

他三年前在 Cle de Peau藝術展中,以仙人掌與喱士帶出中國陰陽哲學的攝影作品,成了他新屋的裝飾。「我用比較 modern的手法來解釋。」作品下放了張雜誌拼圖飾面的茶几,帶出兩種對比。 

飯廳牆身飾以他為女模特兒設計的造型照, Alvin亦專登以 Eames一張橙色 DSR椅來襯模特兒的唇色,再拼以法國的古董 wire chair,「同茶几是一 set,買回來已經好 rusty。」

Home office

單位亦是 Alvin的辦公室,「我都想和我工作的團隊可以 relax啲,好似自己屋企人咁樣,我亦是一個唔鍾意成日出去嘅人,不如就做一個 home office。」但返工放工同一地方,會否無平衡?「初頭有咁諗,但同事返咗屋企,我都諗緊做嘢,我好少會 shut down,除非 weekend, weekend我真係唔諗嘢。」最近濱崎步搬屋, Alvin又會否幫手設計?「我話可以俾意見,但唔好叫我設計,因為太辛苦了。」反而他有興趣與明星朋友一齊合作設計傢俬,「裝修就唔得,設計傢俬我真係有興趣。」


主人房床單為 Fresh品牌送給他,床上兩個咕𠱸為 Versace出品; Philippe Starck Ghost Chair旁,放了個美國設計師的花樽撞出不同質感。「我超鍾意 designer chair,下次搬大屋可能開始儲。」 

工作室亦有書枱讓同事開工。 

帶工業味的工作室裡,亦放了盞水管形枱燈(小圖)呼應主題。

他將人形花樽改裝成枱燈放在洗手間內裝飾。 

衣帽間以二百多元的宜家圓形地氈襯圓形茶几。 

撰文:李苑欣
攝影:李敏軒、葉志明
插圖:王健威
服飾提供: Calvin Klein、 Jaeger-LeCoultre watch
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()