探熱針

出口術 犧牲姚盈盈 陳庭欣搞掂黃子雄幫拖

Ads by Google

做咗三年的長命劇《愛•回家》,成功造就劇中藝人知名度提升,爆騷又有機會搵快錢;但有指大台計劃添食到七百集後就收檔。去年才加入,在劇中做路人甲飾演泌尿科醫生的陳庭欣,眼見機不可失,出盡嗲功收服對手「查生」黃子雄,令對方以同醫生才有感情交流做理由,說服監製,將在劇中跟前妻姚盈盈的感情戲,轉移到她身上。

積極爭取拍劇

一○年港姐冠軍陳庭欣,長期做節目主持,到近年才有機會拍劇,去年《愛•回家》大洗牌,有份入組的她被派演醫生閒角,間中出鏡幫律師樓員工睇病檢查身體,角色可有可無。
「 Toby(陳庭欣)係個好進取嘅人,佢發覺做主持機會唔多,大騷好多時又唔輪到自己,所以就向戲劇組拍門,只要收到風有監製要搵人,佢就會即刻自薦,試過同監製講話知道阿邊個唔得閒,啲期會好難度,叫人改用佢,總之出名積極。」一名劇組工作人員說。
加入《愛•回家》後,陳庭欣抓緊機會,重點向對手黃子雄埋手。
「佢同黃子雄合作過《載得有情人》,嗰時已經氹得對方好開心,喺《愛•回家》佢兩個又最多對手戲,開親工都會一齊自拍, Toby又會將啲開工相放上微博,比起姚盈盈,佢識做人好多。」


合作《載得有情人》時,陳庭欣幫對手揼骨,好識撈。 

姚盈盈跟黃子雄在劇中飾演離婚夫妻,關係糾纏不清。 

同前妻唔夾

據了解,跟陳庭欣合作將近一年的黃子雄亦經常同導演、監製說跟她合作好有默契,尤其拍感情戲,自自然然就有交流,比起同姚盈盈,效果相差好遠。
「黃子雄成日提住同 Toby有火花,叫監製加條感情線俾佢哋,早排監製終於答應咗佢,所以嚟緊查生唔會再翻撻前妻,因為佢同 Toby會撻着,兩個人會拍拖多啲戲份。」劇組工作人員說。
可惜《愛•回家》收視近日已跌破二字頭落到十七點,有指無綫打算五月腰斬劇集止血,即使陳庭欣搞掂黃子雄爭取加戲份,也時日無多。


性格進取的陳庭欣,跟黃子雄拍出海戲時,大騷身材。 


做了多年主持的陳庭欣,跟高海寧合作拍旅遊節目,身形均勻的她,未有被咪神比下去。

為增加曝光機會,陳庭欣不介意跟翟威廉情侶檔出現公司活動。 

陳庭欣近年雖然多了演出機會,但只獲安排閒角,去年出街的《名門暗戰》,她的戲份亦不多。 

跟翟威廉拍拖已是公開秘密。

出出入入

《愛•回家》女角出出入入,唔聽話又或者話事人珍姐曾勵珍唔 like,一定冇得留低。

 

朱慧敏
在劇中升呢做女一的朱慧敏,被指將是非當人情,工作態度不佳,更將劇組開大會的內容外洩,被珍姐再三警告後依然唔收斂,結果被掟出局。

 

湯洛雯
港姐落選後雖然不斷有機會拍劇做主持,但開工成日發夢唔投入,叮走。

 

蔣家旻
被安排飾演人見人愛的馬子妮,令人氣升咗唔少,不過前年因瞞住珍姐拍剝衫戲,結果角色被安排出國,守行為半年,去年底終於可以再回家。


撰文、攝影:娛樂組

    全站熱搜

    tvb4life 發表在 痞客邦 留言(0) 人氣()