○六年石貞善參演吳建豪《我的王國》 MV撻着,之後多次離合,一三年註冊結婚,但關係時好時壞。娶到個有錢女,都未必係好事! 

探熱針

婚姻危機 陪男神黐富二代 吳建豪箍豪放妻

Ads by Google

一三年在美國舉行百萬婚宴,迎娶新加坡富家女的台灣藝人吳建豪,因為老婆石貞善近日在 Instagram貼上低頭哭泣圖,自勉自己要像男人般堅強、勇敢,又指沒人能了解女人所面對的掙扎……反映夫婦感情,已出問題。
但據了解,吳建豪因為工作,無法長期留在老婆身邊,石貞善於是自己搵節目,在港黐 Moiselle太子爺陳柏熹玩,又孖住台灣男神許鎮耀遊日本。老婆不顧人妻身份,吳建豪唯有向馬時亨姪兒、牧師 Jaeson Ma求助,希望箍得番!

自認 Moiselle太子未來老婆

娶個有錢女!但結婚以來,吳建豪夫婦關係時好時壞,去年九月補度蜜月,吳建豪自爆努力造人中;但到年底,石貞善卻在 ig開拖,狂插信基督的吳建豪是狗屁信仰,「電視上看到的吳建豪都是假的,真相如何我比你更清楚。」吳建豪亦隔空還招:「管好你的舌頭。」之後互相取消關注。
自此石貞善以搞購物網站為由,大條道理周圍飛、周圍玩。
「 Arissa(石貞善)家族做石油開採生意,平日來往嘅都係有錢富二代,好似何超蓮、林心兒佢都熟,同 Moiselle太子爺 Harris(陳柏熹)就玩得仲癲,喺 ig講話自己係 Harris未來老婆,好唔俾面 Vanness(吳建豪)。」知情人說。


早前石貞善來港和何超蓮、林心兒、 Moiselle太子爺陳柏熹等富二代聚會。 

跟陳柏熹在 ig調情,石貞善戴帽,陳柏熹問戴帽的靚女是誰?石答:「哎呀,你未來老婆啦!」男方回覆:「我前世一定做好多好事。」 

婚後仍同蕭亞軒契細佬許鎮耀玩得好埋,經常一齊蒲。 

最近石貞善在 Instagram貼上低頭哭泣的漫畫圖,訴說希望自己能像男人般堅強……沒人能了解女人所面對的掙扎。 

同蕭亞軒契細佬遊日

石貞善亦愛跟圈中藝人交往,胞弟 Elory未同蕭亞軒拍拖前,她已經常同蕭亞軒一齊蒲,所以跟對方的契細佬、台灣新進男神許鎮耀亦玩得好埋。
「 Arissa試過同老公嘈完交,就同許鎮耀加埋啲朋友去咗東京玩,晚晚劈酒,貼晒面影相。 Vanness要做《 Asia's Got Talent》評判,亦冇可能跟埋去。 Arissa小姐脾氣好大,做乜都唔同老公商量, Vanness根本管唔掂個老婆。」
據了解,為了挽救婚姻,吳建豪曾向馬時亨姪兒、牧師 Jaeson Ma求助,希望透過輔導能跟另一半達成共識,重修舊好;不過石貞善對老公搵牧師調停夫婦關係甚為抗拒,老婆有錢又野性,吳建豪想箍煲,隨時有心無力。


去年底,兩公婆在網上開拖前,石貞善仲攬實老公唱 K。 

吳建豪跟外父外母及舅仔關係雖然好,但卻一直搞唔掂富貴老婆石貞善。 

同許鎮耀(戴帽)等去日本玩,老公不在身邊,石貞善一樣冇有怕,劈到面紅紅。

同石貞善細佬 Elory拍拖的蕭亞軒,不時介紹異性給對方認識。 

吳建豪曾跟馬時亨姪兒、牧師 Jaeson Ma請教如何挽救婚姻。 

愛發明星夢的石貞善,不時騷身材。

撰文、攝影:娛樂組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()