漫步中環,心形眼的 Tin Lok視線從未離開過 Janice。 

探熱針

脹爆衞蘭冧掂 Party搞手

Ads by Google

去年底完成紅館演唱會後,零工作的 Janice衞蘭,未有為事業前路茫茫而緊張,反而樂得放假叉電兼瘟仔。繼月初同凸腩「祖藍」遊尖咀後,上週四(一月二十二日),化行妝的 Janice同 disco party搞手 Tin Lok,孖住 shopping再撐枱腳,漫步中環調情。沿途見 Tin Lok一直想搵機會拖實 Janice,無奈一街都係人,唯有忍手。

戰鬥格會仔

衞蘭自一一年同教友 Roger分手, Mr. Right一直未出現。拍住散拖過日辰的 Janice,趁住放兩個月大假,積極約會搵對象。上週四(二十二日),平日愛素顏亂髮示眾的 Janice,罕有地化行妝一副戰鬥格,在助手陪同現身中環皇后大道中,助手手上已拎住袋戰利品。之後兩人走入蘭桂坊,沿途遊魂的 Janice,與幫她做演唱會海報形象設計的馬天佑撞到正都懵然不知,直到對方主動打招呼,她才如夢初醒不停狂笑。


兩人對話無間斷, Janice不時冧笑示人,就知佢對新歡有幾受落。 


在元創方對手造飾物情有獨鍾, Tin Lok傍到實不時俾意見。

同 Janice晚飯翌日, Tin Lok將衞蘭於埃及旅行贈送的手信,上載社交網站。 

全程幫 Janice拎住戰利品的 Tin Lok,充當護花送對方返屋企。 

著新鞋見新歡

已有收穫的 Janice未捨得停手,轉戰威靈頓街 J-01,睇中一對黑色 Nike波鞋,更即買即著。之後向荷李活道方向進發。其間 Janice不時停步查看電話短訊,甚至呆站馬路邊十五分鐘,直到再收到訊息,才與助手行去鴨巴甸街的元創方,會合一身潮 look打扮的 Tin Lok。
據了解,嗜愛 disco文化的 Tin Lok同朋友成立一個名為「 Living Discoheads」的團體,在香港及不同地區搞 party,跟已轉行打碟的「 Miss Yellow」黃泆潼分屬友好。 Janice能夠認識對方,也是靠教友兼好姊妹黃泆潼穿針引線,即使男方並非信徒,但兩人同樣熱愛音樂,初次見面已互有好感,剛去完埃及旅行的 Janice,更以送手信為由,私下約會 Tin Lok,主動爭取見面機會。
「年尾 Janice做完演唱會後,不論朋友或者教友 gathering都逢叫必到,周不時都有男仔主動 approach,但佢同 Tin Lok最啱傾。」一名教友
透露。


行完元創方, Janice叫助手先行離開,再直落同 Tin Lok撐枱腳。 

摸手Tin Lok傾得興起,肉緊捉實手臂, Janice無反抗。 

晒相同胞妹在埃及玩足兩個星期,飯局期間,不時向 Tin Lok展示自己在當地影低的靚相。

Give Me Five一碟食物兩份分,她更忽然舉手同 Tin Lok擊掌。 

打罵晚飯儼如開 talk show的 Tin Lok,三兩下手勢已氹得 Janice失控大笑。 

 

當日一行三人在元創方逐層行, Janice對精品、手工擺設都好有興趣,會同 Tin Lok分享研究,男方亦不厭其煩細心聆聽。在元創方漫遊兩小時,助手識做走先, Tin Lok第一時間接手 Janice的戰利品,再孖咇行落中環。兩人選擇了一間較隱蔽的美式餐廳醫肚,一碟燒排骨兩份食,但講多過食, Janice不時分享埃及旅遊相,男方亦展示一雙心形眼聽得好着迷,有時又借意捉住女方的手,好進取。
一食兩個小時,之後二人更在中環街頭漫步,只見男方愈行愈埋,多次借機想拖 Janice的玉手,但由於太多途人眼望望,怕醜 Tin Lok唔敢有進一步行動,但 Janice漏出冧樣,應該得手。


原本踩住高踭 boots的 Janice,在中環買波鞋後即著,才前往元創方見 Tin Lok。 


街頭巧遇形象指導的 Janice,同對方失控狂笑。

Janice孖住助手在街頭呆等十五分鐘,才前往目的地見新歡。 

平日出街零妝扮的 Janice(左),去年七月同胞妹素顏外出,好驚嚇! 

男友分類

一向鍾情高大型男的衞蘭( Janice),自 11年與 Roger分手後,深明靚仔無本心,近年轉投穩重踏實型,唔講樣講內涵。

混血兒男友 Roger

10年,被踢爆搭上外籍高大型男 Roger,二人愛得高調,同年 Janice在紅館開個唱,男方不避嫌現身撐女友,但戀情維持一年玩完。

Sander Jackson

與 Roger分手後, dry足一年的 Janice再搭上混血兒教友 Sander Jackson Siswojo,短短兩個月便由朋友變拖友。對方是虔誠基督徒,於美國做設計工作,為氹女友, Jackson不時抽空來港。

教會男友

13年, Janice被拍到與一位四眼單眼皮男,在中環華安里公園談心,二人愈坐愈貼、愈傾愈埋,之後 Janice更挨在男方膊頭,態度親暱,有指二人同屬一教會。

車行經紀 Edwin

去年 7月, Janice搭上 90後新歡 Edwin,只有 20歲的 Edwin任職車行經紀,二人經常孖住夜蒲,男方除了幫 Janice買車,更巧合地共同用「 SJ」字頭的情侶車牌。

凸腩祖藍

今年初, Janice再被拍到與一名貌似王祖藍的男子於尖沙咀行街拍拖,旁若無人,其間 Janice輕繑對方手臂,做晒主動。


撰文、攝影:娛樂組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()