開發遊戲時,可以配合手機製作不同的操控系統,例如加速感應器控制遊戲,以增加趣味性。 

職場起底組

學寫手機遊戲 app

Ads by Google

現時差不多每人都有一部智能手機,可以 download不同類型的手機 app,當中因開發遊戲 app而賺大錢的大有人在,如《神魔之塔》、《 Crossy Road》等,吸引不少年輕人投身手機遊戲 app的市場。其實編寫手機遊戲 app並不難,只要報讀坊間有關課程,便可以編寫出屬於自己的手機遊戲。

 

課程由從事遊戲創作已有 10年經驗的 Vincent親自任教,他表示編寫手機遊戲 app可用不同軟件,「課堂上主要教學員用 Unity3D呢個平台嚟創建 Android手機遊戲,因為喺 Android上架門檻較低,只要一次性畀 25美元,就可以開設永久帳戶,之後就可以將 app上架; iOS則要收取年費,香港每年要畀約 100美元,對新入行嚟講 Android投資冇咁大。學員唔使對程式語言有認識,課程會由零開始教授學員一隻手機遊戲嘅構成元素,好似遊戲介面設定、遊戲流程及關卡設計、人物動作系統等。」


人物動畫的設計對遊戲的美觀度十分重要。 

堂上亦會教授 3D遊戲中,人物動作系統的設計基礎。 

消磨時間


學員可以在堂上掌握遊戲流程、關卡及場景設計的技巧。 

現時下載手機遊戲 app的人士遍及各年齡層,開發遊戲應以消磨時間為大方向,「𠵱家玩家多喺搭車、等人或者小休時玩手機遊戲,所以開發時遊戲應以簡單、消磨時間為方向,好似《 Candy Crush Soda》、《 Crossy Road》等遊戲可以隨時暫停、單手玩。手機遊戲 app嘅賺錢方法有收費下載、招收廣告及遊戲內消費等,當中招收廣告最適合新手採用。」

導師  Vincent

整一隻好嘅遊戲需要音樂、畫面等好多元素,但喺有限資源下,新手應首先注重遊戲性,可以將一啲舊有遊戲,加入時下流行嘅話題或者元素,好似《 Crossy Road》嘅概念嚟自青蛙過河,產生一定嘅注意度。

學員 阿得

自己冇接觸過編寫程式,但對開發手機遊戲好有興趣,於是就嚟報名,堂上學到點運用 Unity3D整 game,最後自己仲整咗隻飛機射擊 game出嚟,好有成功感。

 

課程: Unity x Android遊戲設計開發證書課程
機構: Feva Works
對象:有興趣人士
學費:$4,980
堂數: 10堂,共 30小時。
內容︰ Android SDK設定及安裝、 Unity3D的運用、 Android遊戲開發設定及測試等。
查詢: 3106 8211

PROFILE

打工達人,白羊座,性格外向,天生八卦愛吹水,相識滿天下,目標做盡 72行,成日捐窿捐罅搵吓有乜好工跳槽,刮盡各行筍料秘聞。


撰文:打工達人
攝影:傅新發
部分圖片由被訪者提供

    全站熱搜

    tvb4life 發表在 痞客邦 留言(0) 人氣()