周秀娜搞high林小明

日前,黃百鳴嘅天馬電影公司搞咗個周年晚宴,唔少幕前幕後人都有出席,當中包括「宅男女神」娜姐周秀娜都係座上客之一。

Ads by Google

娜姐長袖善舞,場內滿場飛同唔同嘉賓傾偈寒暄打招呼,而東姑就見佢同寰宇老闆林小明似乎幾熟咁,一嚟到就傾偈傾到雞啄唔斷,唔知係咪嚟近林老闆又有乜拍戲大計預埋娜姐一份呢?

兩個人愈傾愈興起,東姑仲見娜姐好豪氣同林老闆隊咗幾杯,唔知係酒精作用,定係魅力無遠弗屆嘅娜姐,連一向淡定嘅林老闆都畀佢搞得high high哋。見林老闆之後直情忘晒形,好似唔記得咗室內禁煙呢條例,居然大模斯樣擔番支大雪茄係咁狂抽,唔通同娜姐吹完水,真係唔「chur」兩啖尼古丁唔能夠鎮定神經?

娜姐同寰宇老闆林小明一見面就走埋係咁傾,兩個人似乎幾熟絡噃。

娜姐同林老闆愈傾愈興起,仲邊傾邊同對方隊番兩杯,幾豪氣喎!

 

唔知林老闆係因為飲多兩杯醉醉哋,定係畀娜姐嘅魅力搞到high咗,居然喺室內禁煙地方,大模斯樣擔番支大雪茄狂抽。

    全站熱搜

    tvb4life 發表在 痞客邦 留言(0) 人氣()