Clio Chiu/ 22歲/素顏,鴨舌帽,不負 Mario外號,在冒險和過關中找到另類天堂。 

年輕有夢 

 黔館 地址:深水埗桂林街 157號地下 電話: 2698 9191

馬里奧的任意天堂

Ads by Google

Clio本是嬌俏女兒身,卻喜歡素顏黑衣,頭戴鴨舌帽,朋友都叫她 Mario。而她的確有 Super Mario的氣概,才 22歲,已由貴州闖到香港,由金融闖到飲食。一般人的天堂是安逸、享樂和離地,她的天堂卻是冒險、過關和升級。只要讓她任意飛,她便不怕 game over。

 

對於很多人而言, Clio早已置身天堂:父母是富商,赴英讀大學,幾個月前仍是滙豐私人 banker,客戶最少擁有一千萬美金資產,底薪 30K, bonus六位數字,夫復何求? Clio卻若有所失:「做私人 banker,幫客投資已經夠晒挑戰,但我覺得唔係自己嘅嘢。」於是辭職,得父母資助,連同儲蓄用去辦香港唯一的貴州菜館,「朋友都話我癲,而家鋪租咁貴,租約一簽簽幾年喎。」

她本是個冒險少女。
Clio是貴州人,家裏有錢,父母生意瓣數多,由名牌服裝 OEM到餐飲,自小聽盡同學閒話。她心裏總是如此想:「我屋企已經贏咗你,我做咩成績要輸畀你?」所以讀書成績永遠在上游。可是她並不滿足於家鄉安逸的生活。自小看盡 TVB警匪片、律師劇,香港親友逢年過節神氣回鄉,令她對香港很是嚮往,「我大個一定要去香港。」

16歲如願以償,舉家投資移民香港。昔日在校是傲氣高材生,來到香港連買碗吃也有口難言,「我喺屋企樓下買碗牛腩麵,唔識廣東話,講普通話。返到去打開,無牛腩嘅,係一碗淨麵。」彷彿一切要 start over,「媽媽問我,生活、讀書都要從頭嚟過,有無後悔?我話無,條路我揀嘅點都要行埋佢。」答應自己一定要學好廣東話,煲港劇,看語言書,模仿同學說話,三個月後,總算識聽識講。「我性格好強,講咗要做咩一定要做到。今日決定咗去元朗食飯,就一定要食到。」


家中獨女,深得父母寵愛。 

昔日工作應對上流社會, Clio見識過當中陰謀面,「陪個客打哥爾夫球,個波跌走咗點都要球僮執番。我心諗個波幾蚊啫,使唔使咁?我唔想窮得只有錢。」 


「有個人畀咗張 invitation我,咁我就去咗。」這就是 Clio的上流社交生活寫照。 

 

漢基、九龍真光讀畢中學後,她發現有個廣闊世界待她探索。赴英 King's College London讀金融。她不但要贏在起跑線上,還要由頭帶到尾,爆分過關,大學一級榮譽畢業,在芸芸精英中被挑中,獲得滙豐私人 banker的聘書,「面試時,對方話,佢係麻省理工畢業,隔籬嗰位咩咩大學畢業,總之都唔係香港成長。問點解要請我。」 Clio從容自信地回答:「正正因為我曾經喺香港生活,我有你哋無嘅香港經驗。」在金融界半年,金錢機遇手到拿來,有客戶看中她的機靈醒目,額外給她生意,於是她賺到人生第一筆七位數字的金錢。

可她發現,錢愈搵得多,終究沒有意義,「開頭係生活需要,再多啲就係安全感,再再多啲只係數字。」她想起,來港早年時時懷念家鄉菜的酸辣味,「試勻晒香港所有似貴州菜嘅嘢,四川菜、雲南米線,但都無貴州菜嗰種感覺。」與其每天玩數字遊戲,不如創造屬於自己的數字。貴州人常常說:三日不吃酸,走路打躥躥。她把回憶中的香濃酸辣味,化作酸湯烏江魚、泡椒板筋等。別人開鋪可能滿足於做點小生意,她卻有宏大願景:「我想改變香港人嘅飲食文化,我希望貴州菜可以造出好似韓風咁嘅潮流。我賣嘅唔係一碗麵,係一個品牌。」


青椒肉絲,家常菜,是 Clio童年美味回憶,$58。 

酸湯烏江魚,散發濃濃番茄香,$238。 

 

開業才一個月,有員工要求加薪,有員工埋怨工作難做。 Clio年紀小,卻很辣,「我對自己好有信心。邊個都可以少,就係唔可以少老闆個理念。佢可以提出要求,但唔可以破壞我嘅系統同原則。我做嘢唔鍾意畀人威脅。」打機打大佬不但要儲夠能量值,還要夠薑。她寧缺人手,開不了午市,也不要被嚇倒,欣然讓不服者離去。小店小眾,目前生意一般,但 Clio還是一臉自信,「我從來唔擔心生意。唔係因為我有錢,絕對唔係。因為我相信做好自己,做好你要做嘅事,錢就自己嚟。我要求員工一定要打理間鋪乾淨,插畫師設計緊新餐牌,我想喺餐牌教人配搭唔同菜式。我從來唔試菜,因為我話鹹啲辣啲,都係個人口味,應該由客人決定。只要做好呢啲事,所有人都會感受到。」鴨舌帽下,機靈雙目轉又轉:「開得門做生意就唔驚任何嘢發生。你要安全,就唔好做生意,不如擺錢喺銀行做定期。」


泡椒板筋,板筋是豬背脊一節肉,口感爽脆,貴州人特別喜歡吃,$78。 

Clio放棄金融業錦繡前程,奮身搞全港唯一黔菜館。 

 

黔館
地址:深水埗桂林街 157號地下
電話: 2698 9191
營業時間: 4pm-1am


撰文:周燕 
攝影:邱覺達

    tvb4life 發表在 痞客邦 留言(0) 人氣()