Sorry,見到咁靚的黃昏日落景,真係無時間寫 caption,要趕住影相上 FB打卡啊! 

大拼盤 The Pulse 淺水灣海灘道 28號 The Pulse

熱帶閒暇 淺水灣新商場

Ads by Google

向來都唔去淺水灣,因為太多自由行,最近卻心動去了一趟。皆因海灘旁新開的商場 The Pulse,地下食肆採全開放式設計,門口無遮無掩。坐着吃飯呷咖啡,望着 180度白沙藍天海浪,享受着徐徐海風,望着日落海中,充滿熱帶消閒情調,可以慳番機票錢唔使去峇里 lu!

熱帶風情 Limewood

Limewood分兩邊,一邊提供午、晚餐,一邊係酒吧。靠門的座位全對住海,感覺好有外國 feel。菜式以加勒比海、東南亞和南美口味為主,大量 BBQ和炭燒,連菠蘿、橙等水果都燒過,充滿熱帶口感,非常惹味。


為配合長長的沙灘,餐廳裝飾採用大量木材,做到好似坐在船上一樣。而右上角的船燈更是由荷蘭購入。 

泰式炸全條鱸魚,配青檸碎、香芹醬和越南酸辣汁,酸酸哋辣辣哋,魚皮脆肉軟多汁,非常開胃。$245。旁邊杯 Burnt Calamansi And Salted Plum,飲落有少少酸梅味,好醒神。$110 

 

Info: Level 1 103及 104號舖。周日至四 12nn-12am;周五至六 12nn-1am。

最閒暇的 Classified

淺水灣的 Classified跟外面的好唔同,充滿休閒感,尤其門口兩張韆鞦沙發椅,跟愛人坐着盪下盪下,眼中只有對方,真係巧 romantic㗎!


芝士拼盤最受歡迎,分法式、英式和地中海式。這是法式芝士拼盤, 5款芝士包括羊奶芝士、藍芝士等,濃郁幼滑,吃時由羊奶芝士開始反時針方向吃,能感受不同層次。$235 

 

Info: Level 1 107號舖。周一至五 12nn-11pm;周六、日及公眾假期 8am-11pm。

獨有冷泡啡 Coffee Academics


冷泡咖啡飲落帶有淡淡花香和蜂蜜味,唔使加糖和奶。但攝影師就覺少了咖啡的油脂香。 

全港只有這店獨家發售 Cold Brew冷泡咖啡,用公司獨有的巴拿馬咖啡豆磨成粉,泡在水中 12小時,拿去雪凍入樽。$42/樽。

 

Info: Level 1 108號舖,周一至五 10am-9pm;周六、日 9am-9pm。

3D Visual Museum

除咗食,呢度仲有玩。 3D超視覺藝術館係全港最大,二萬三千呎共有 80個場景,有啲逾百呎大,要出動自拍神器才影得晒。此外,全港獨有的擴增實境( Augmented Reality)技術,走入實境內,感應器感應到你,熒幕會出現海豚、河馬和企鵝陪你玩,大小 model都話超過癮。


呢個超人景夠過癮,小朋友瞓喺地下影塊鏡的倒影。 

無眼花,真係有河馬走出嚟陪你影相。 

 

Info: 1樓 305號舖及地下 B104號舖。周一至日 10am-7pm,最後入場時間 6:30pm。門票:成人$160;兒童( 3歲至 11歲)$110;長者( 65歲或以上)$110。查詢: 2180 9321/2617 0008。

陶瓷畫班 LOVERAMICS


模特兒 Spark和 Starry原本跳跳紮,一攞起畫筆畫畫即變了另一個人,仲話第一次喺杯畫畫,畫咗都唔捨得用。 

有家長幫小朋友喺海灘開生日會,完了帶他們畫陶瓷畫。可自選不同器具,如杯、碗等,再畫上圖畫,甚具創意。店內燒爐由美國進口,一般燒 16小時,可於翌日自行提取。無論任何器具,每件一律$400。

 

Info: 2樓 207號舖。周一至日 11am-7pm。每節約兩小時。查詢: 2994 1289。

 

The Pulse
淺水灣海灘道 28號 The Pulse


撰文:馮淑玲 
攝影:劉玉梅
錄影:李梓軒

    文章標籤

    The Pulse 淺水灣海灘道 28號

    全站熱搜

    tvb4life 發表在 痞客邦 留言(0) 人氣()