客人 Martin(左二)訂了 Seamart的外賣火鍋服務,與朋友安坐家中便可以有新鮮的火鍋配料打邊爐,十分適合天氣寒時不想外出的人們。海鮮配料連湯底,總共消費千餘元。 

創業通

速遞火鍋食海鮮

Ads by Google

香港人十分喜歡打邊爐,尤其在冬天時是一班朋友聚會的首選,在四出尋找美味火鍋店時, 4名 80後 Ryan、 Shelley、 Eddie及 Jun創立 Seamart,推出外賣海鮮火鍋速遞服務,將火鍋料及湯底直送府上,讓客人安坐家中也可叫來親朋戚友一同享受到新鮮的火鍋食材。踏入冬季,更是速遞火鍋的高峰期,開業半年,現已月賺 6萬。

 


客人 Martin朋友介紹 Seamart畀我,睇過網站上嘅食材都有好多選擇,睇 facebook comment都話新鮮,於是就訂嚟試下。 

採訪當日, Martin在元朗大棠家約了三五知己打邊爐,前一天他在 Seamart訂購了海鮮火鍋,當晚準時晚上 8點,車手將海鮮火鍋配料及湯底送到家中,「自己鍾意打邊爐,有朋友推薦 Seamart畀我知,原來火鍋都可以速遞到屋企,仲要係海鮮配料,覺得幾得意,咪約埋班朋友試吓,估唔到啲嘢食到咗,班友竟然遲到。」
位於堅尼地城的 Seamart是一間外賣海鮮火鍋店,主打新鮮海鮮火鍋配料直送服務, 2人套餐售價由$498起,送貨到港九新界。 Seamart是由 4名 80後在 14年 8月創立,當中 Shelley是全職打理 Seamart的業務, Ryan、 Eddie、 Jun雖各有正職,但都分別負責 marketing、海鮮入貨及營運公司網頁。
Ryan、 Eddie及 Jun是中學同學,一直都有聯繫。 14年頭, Eddie及 Jun找 Ryan談創業計劃,但因投資太大而擱置,「我哋打算開一間海鮮火鍋店,去過天后、土瓜灣及九龍城等地方搵鋪,要有番咁上下大嘅樓面,加埋請伙計、裝修等,最少要 2、 3百萬,條數真係計唔掂,就打消咗個念頭。」

轉做火鍋速遞

經反復思量,他們想出外賣海鮮火鍋速遞服務,「 Eddie嘅屋企人係做海鮮檔,對海鮮嘅入貨程序、種類都好熟悉,解決到貨源就要諗用咩銷售手法,既然 online shop咁 hit,就試吓做網上火鍋速遞服務,之後搵埋中學同學 Shelley一齊合資搞生意。」
開業前,他們做了不少功課, Jun去了街市魚檔打工 1個月認識海鮮,其餘拍檔則嘗盡海鮮,「我哋買唔同嘅海鮮返嚟試味,睇吓咩料正,原來大眼雞、九肚魚、沙猛用嚟打邊爐都好好食,都有加入 menu。有諗過開喺工廈,但想有個門面,畀客人易啲接觸我哋,最後決定開喺堅尼地城嘅地鋪。」現時 Seamart的海鮮選擇多達三十多款,如海斑、大泥猛、珊瑚蚌及麵包蟹等。


外賣海鮮火鍋料包括:象拔蚌切片原條約 1.6kg$788 

敏魚切片 300g$68 

一口和牛粒$108

請師傅最難

除了建立客戶群困難外,聘請員工亦十分困難, Shelley說︰「開店首先要搵到識處理火鍋料嘅師傅,搵咗好耐先搵到個,但開業前 1個月佢玩失蹤。我哋只好周圍託朋友,最後先請到𠵱家個師傅。」除了處理海鮮配料外,師傅亦親自熬製火鍋湯底。
Seamart的海鮮火鍋是客人前一天落單後才去訂貨,保證了產品新鮮,在一眾識食的饕客間建立到口碑,「我哋產品定價較坊間食肆平 3至 4成,開頭啲單唔夠,同漁商拎貨只可以零售價,未試過訂唔到貨。最初雖然冇錢賺,但最重要有貨畀到客,價格唔可以隨便改,要慢慢建立同客人嘅互信關係。」


扇貝 300g$156 

鮮味花甲蟹湯料$198 

田園什蔬湯料$78

通涵郵寄最有效

他們在 facebook落廣告、派傳單及通涵郵寄等作宣傳, Ryan認為通涵郵寄效果最理想,「人傳人嘅口碑幫到唔少,初頭因為運輸問題,只送港島區,通涵郵寄亦只喺港島區,雖然𠵱家可以送埋去九龍新界,但有 5成客人都係分佈喺港鳥區。」
在過去的聖誕及除夕檔期,迎來 Seamart的高峰期,同時是對他們的考驗,「頭幾個月都係靠門市賣急凍海產及生蠔頂住,唔係每日都有火鍋單。去到 12月,訂單開始多,平均每日有 4、 5張單,最勁試過一日有 40單,我哋得 2個車手送唔切,要搵外判車手去送貨,但我哋係用保溫壺裝住湯底畀客人,諗住營造溫暖嘅感覺,送完貨車手要畀番個保溫壺畀我哋,好多車手都嫌麻煩,未必肯做,限制咗我哋搵人,有諗過之後改用真空包裝,更加方便。」


Ryan有空便會到店內,與 Shelley了解客人的意見,及討論定價、發展方向等問題。 

Seamart店面設有外賣生蠔及急凍海產, Shelley表示︰「吸引到唔少附近街坊嚟幫襯,有時午飯時間都有人買嚟食。」 

收到客人訂單後, Seamart透過電話直接向西貢、香港仔市場魚檔購買海鮮,當日直接送到堅尼地城門市用魚缸養殖,待至出貨之時。

試過先知效果

4名 80後是首次合作創業,雖說是志同道合才走在一起,但工作上不免有些意見分歧,他們從中學到不少與人相處的技巧, Ryan說︰「起初個門市賣咩都有爭拗, Eddie話想賣魚鮮,但我覺得唔 work,我認為要賣急凍海產及生蠔。其實唔試過都唔知個結果,於是試賣魚鮮 1個星期,真係冇咩人幫襯,即刻轉我個方案,發現吸引到人流。我哋未必每件事都同一意見,但都係為公司好,唔會傷到感情。」現時門市生意佔 3成,其餘為火鍋速遞。
經營了半年, Seamart漸有成績,眾人並沒有自滿急於發展,「𠵱家我哋將每樣材料都 pack成一盒盒,望落幾累聚,我哋諗緊點轉個包裝方法,令件事方便啲;雖然話四季都有人打邊爐,但天氣回暖會少啲客,嚟緊我哋都諗住推出外賣海鮮 BBQ,令客人有更多選擇。」


智利皇帝蟹(熟)( 1.5kg至 1.6kg)$498 

Cherry Stone車厘蜆(產地美國,帶有清甜味及少許海水味。)$30/隻 

Blue point(產地美國,口感 Creamy)$228/打 

Cancale(產地法國、肉身爽脆,帶有少少甜味,海水味濃。)$36/隻 

落 order訂火鍋

 


1.每天 Shelley都會統計客人的訂單,才開始訂購材料,「每日夜晚 10點截單,之後我哋就會訂貨準備聽日出車。」 

2.廚師在臨近送貨前準備食材,以保持食物的新鮮,圖為將象拔蚌切片。 

3.火鍋湯底是廚師即日熬製,「招牌海鮮濃湯要熬成 6個鐘,朝早已經要開始準備。」

4.訂單太多時, Eddie(左)及 Shelley(右)會幫忙把食材包裝好,放入保溫運送袋中。 

5.車手接到保溫運送袋後,就會開始送貨。 

6.按照訂單時間,車手把火鍋食材準時送至客人家中。

創業成本

租金︰$100,000( 3按 1上)
裝修︰$300,000
入貨︰$100,000
器材︰$400,000
總投資︰$900,000

每月收支

租金︰$25,000
人工︰$60,000( 4名老闆+1名員工)
入貨︰$150,000(加雜費)
營業額︰$300,000
盈利︰$65,000

 

Seamart
http://www.seamart.co 


撰文:曾志恒
攝影:羅巧怡

    全站熱搜

    tvb4life 發表在 痞客邦 留言(0) 人氣()