強化股四頭肌Jay讓客人 Alan做出一個半蹲的動作,動複 20次,做 4組,以強化股四頭肌。 

Jobs Live

逆轉關節痛

Ads by Google

香港人口持續老化,政府要在醫療福利及社會政策作出考量,以顧及老齡人的需要;另一方面,人口老化亦是一個商機,本為健身教練的 Jay,得知國外有復健教練( rehab trainer),並看到香港的市場需要,便報讀有關課程,成為香港少有的復健教練,主要是幫助 40歲至 60歲接受完物理治療後的傷患人士,指導他們做復健運動,令他們的關節及肌肉回復至健康之時。

 

「物理治療師都識復健動作,但一個療程唔會有太多時間同你 1對 1咁進行,我個職位就係填補呢個空缺。客人多數係有舊患喺身,之前進行過物理治療,冇痛就以為好番唔再睇,但受傷位置時不時會酸痛,尤其喺 40歲後翻發得最多,我嘅工作係教導傷患者做正確嘅復健運動,強化佢哋關節同肌肉,令舊患冇咁易復發,用運動根治傷患問題。」 28歲的 Jay的職業是復健教練,為客人進行是 1對 1的指導,服務對象主要是 40歲至 60歲人士,每小時收費$800。


瑜伽棒壓每堂約為 1小時, Jay會視客人的復康程度,安排不同的按摩、放鬆、強化關節及肌肉的運動,但在每節開始, Jay會運用瑜伽棒為學員進行痛穴按壓,令其有傷患的地方得到放鬆。 

先做評估Jay的主要工作是強化客人的關節及肌肉,首先會為客人做一個評估,「會問佢一啲問題同做檢測動作,評估佢嘅風險,低風險先可以接受復健,如果涉及神經痛,會叫佢接受咗物理治療先。」 

拗柴成契機

踏上復健教練之路,因 Jay曾是一名受害者,他在城大修讀工商管理, 09年畢業後任職健身教練,他在一次行山旅程中拗柴,這傷患困擾了他很長的時間,「讀書時,覺得練大隻好有型,成日去做 gym,喺未畢業前已經考咗牌做健身教練。自己鍾意行山,有次行山隻腳拗柴,去睇物理治療,冇痛以為好番,但有時行行吓會冇力,仲久唔久會酸痛,於是自己上網睇下可以點搞。」
現時在香港成為復健教練不需認可資格, 14年, Jay報導了澳洲的復健教練證書課程,在 12月更與一間物理治療中心合作,成為全職復健教練,「上網見到外國有復健教練呢個職業,主要係同物理治療師合作,負責患者復康鍛鍊嗰部分,於是我報讀澳洲喺香港開嘅遙距 course,學肌肉痛理、復健動作等,醫番好自己嘅舊患之餘,之後仲搵到一間物理治療中心合作,全職做復健教練。」


箭步練強度把橡筋帶套在學員的膝蓋對上位置,客人 Alan再做出前弓後箭的動作,因要對抗橡筋帶的拉力,可以鍛煉關節的強度。 

接波練穩定性Jay安排 Alan站在半圓球上,並進行一些拋波接波的動作,「最初只係需要穩定咁企喺上面,𠵱家 Alan可以做埋拋波接波,訓練到佢下肢關節嘅穩定性。」 

 

Alan 客人
之前滑雪搞到半月板撕裂,手術完睇物理治療,幫我電療及做復健動作,冇痛就冇再睇,但𠵱家個膝頭哥成日行行吓會冇力,有朋友介紹 Jay畀我識,跟咗佢練習 1個月,覺得𠵱家自己個平衡感好咗,行路隻腳冇再發軟。

教你放鬆 2式

 


拉腰把右腳交疊在左腳上,右手朝左前方下彎,維持 30秒至 1分鐘,換邊重複動作,適合長期坐在椅上導致腰部繃緊的人士,把下背拉鬆。 

拉頸把頭用手向一邊向下壓,在感受肩頸肌肉拉緊時停止施力,維持 10至 15秒,左右換邊,可令肩頸肌肉得以放鬆。 

 

查詢: http://www.40plusfitness.hk 


撰文:曾志恒
攝影:傅新發

    全站熱搜

    tvb4life 發表在 痞客邦 留言(0) 人氣()