Juni  21歲浸會大學視覺藝術系 Yr.3Juni平日有空便會到深水埗入貨,「每次都會買珠仔及整頸鏈用嘅鏈及魚絲。魚絲都有分圓身及扁身,扁身會實啲冇咁易甩!」 

U撈

玻璃誘心

Ads by Google

提到玻璃藝術,大家想到的可能是吹製玻璃的畫面,但其實簡簡單單的切割,已可製作出小巧細緻的玻璃飾物。今年 21歲的 Juni,在修讀視覺藝術科時,首次接觸玻璃藝術,他覺得市面上以玻璃製的手作不多,便以切割玻璃製作成手鏈、頸鏈、耳環及戒指等飾物,在 instagram
及手作市集售賣,結果大受歡迎,令本身不擅長手作的 Juni,瘋狂愛上這門手藝。

 


Juni雖愛上做手作,但最喜歡的還是畫畫,「希望日後可以做到美術老師,亦可以做自己嘅創作。」 

「用切割刀𠝹一𠝹,再組合自己鍾意嘅顏色,亦可加玻璃粉做裝飾,最後放入焗爐,咁就完成!」採訪當日, Juni在校內的玻璃工作室,向記者講解製作玻璃飾物的過程。每件精細的作品都是出自這位大男孩的手,稍一出錯便可能受傷,製作時需留神的地方真不少呢!
喜歡畫插畫的 Juni,大學時選修視覺藝術科,自言強項不在於手工藝,「 13年暑假陪朋友去深水埗買布及皮革,雖然自己做手作比較差,但見附近有好多鋪賣珠仔,打算買啲返去穿吓。」
Juni以木珠及膠珠穿了不少手鏈及頸鏈,「愈穿愈多,自己都戴唔晒,朋友就提議我開 ig shop,我覺得試吓無妨,喺上年 9月就開咗 Merry Go Round Accessories。」 Juni的作品以淺藍色及白色為主,帶有一絲簡約味道,很受女士們歡迎,反應比預期好,第一批造了約 40條飾物,於 2個月內售罄。

加入彩繪玻璃元素

在開 ig shop的同時, Juni在校內初次接觸玻璃工藝,感覺新鮮及有趣,「堂上學到吹製、倒模及鑲嵌,其中我最有興趣係用彩繪玻璃鑲嵌,所以就喺自己製作嘅飾物加入呢個元素。」
Juni平日多於學校的玻璃工作室製作飾物,亦試過不少失敗例子,「最初唔知焗完啲玻璃會熔到咩程度,試過焗到啲圖案唔清晰;亦試過唔係想像中嘅形狀,好似三角形嘅尖角變咗圓角;另外,未熟悉各種玻璃嘅特性,有啲焗完由透明變咗實色。」
在不斷的嘗試中, Juni偶爾會試出不錯的效果,「除切割出唔同形狀,我仲會加玻璃粉去造唔同圖案,出嚟個效果都幾好!」推出玻璃製作的手鏈、頸鏈、耳環及戒指等飾物後,他的生意多了約 3成。


除了 ig shop及手作市集外, Juni還於深水埗的白紙工作室寄賣作品。 

ah un客人喺 instagram見到 Merry Go Round Accessories,覺得啲飾物好有風格,玻璃飾物好特別,坊間好少見,仲全人手造,鍾意通透嘅感覺,質感一流! 

擺市集每日賺 1千

除網上宣傳外, Juni亦有參與不同的手作市集。「手創市集、自由野都有去,直接同客人接觸,可以知佢哋鍾意咩款,同埋識到好多人,真係幾開心!亦聽到唔少意見,好似之前戒指得一個 size,有啲客人話唔啱戴,於是我就改用可調節大細嘅戒指托。」 Juni表示每月起碼都會參加一次市集,每件飾物售價由百餘元起,每日可賺約$1,000,加上網店,月入約$1,400至$1,600。旺季如聖誕檔期,則多至 1個月擺 3次市集。
仍在學的 Juni坦言很難兼顧學業與手作,「除咗返學、整手作,我仲要教畫,都驚唔夠時間,之後會睇番夾唔夾到擺市集嘅時間先再安排。」他打算畢業後修讀教育文憑,以當教師為目標,「到時都會 keep住做手作,想試吓用唔同嘅媒介做創作。」


雪花戒子$120 

雪花耳環$120 

玻璃切割逐步睇

 


1.先用切割刀,𠝹出備用面積。 

2.用鉗作輔助,夾出所需部分。「我想整三角形,所以會再切割得更細。」 

3.切割出三角形狀玻璃,並進行打磨。

4.掃走粉末。加上玻璃粉作裝飾,可為其添加花紋。 

5.放入玻璃專用焗爐,大約焗 20分鐘,放涼約 15至 16小時。 

完成三角雪花頸鏈$160

 

Merry Go Round Accessories
instagram: merry_go_round_accessories

留意擺檔日期

現時每個週末,在不同的地方都舉行大大小小的手作市集,要申請則需留意各市集的 facebook專頁,如觀塘的「手創市集」,以地攤形式擺賣,每次約有 30至 40檔,各有興趣參與擺檔的檔主,可於每月月頭留意專頁資訊,申請檔位,於遴選後成功參與者,參加費用為$700(兩天)。
facebook查詢:手創市集


撰文:霍芷晴
攝影:傅新發、彭自維、羅巧怡
部分圖片由被訪者提供

    全站熱搜

    tvb4life 發表在 痞客邦 留言(0) 人氣()