
Webber's infoDee GorFB page: Dee Gor–華仔(Likes:約 3千 4百)成名作:〈日日去鳩嗚〉華仔落場版 MV(點擊率:約 49萬)
Webber
鳩鳴響朵 Mocking Jer x Dee Gor
Ads by Google
網民二次創作歌曲〈日日去鳩嗚〉歌詞啜核夠中 point,俘虜咗萬千網民嘅心,仲有 YouTuber以原汁原味嘅 80年代風格落 MK拍 MV,當中最出位嘅,一定係靈魂人物—— Dee Gor! Dee Gor扮平民特首劉華扮到出神入化,家陣落 MK見到佢,個個都瘋狂尖叫「華仔」,曾經仲有男粉絲癲到要中途轉「基」,聲言要嫁畀華仔!

劉肛華
Dee哥魅力沒法擋、地位直頭凌駕真劉華(講笑啫,唔好太認真!),真係多得一班幕後搞手學舌鳥 Mocking Jer,即刻殺落菜街,同呢班當紅炸子雞傾吓,點先可以拍片拍到咁 Oldskool!
Dee Gor 4招教你扮劉華
原來 Dee Gor本身都好鍾意華仔:「我細個一路有睇佢做戲,直到一次見到佢真人,即時心跳加速,發現原來就係我嘅偶像,之後就成日留意佢接受訪問時講嘅人生道理,最近仲知佢年輕時同我一樣住大埔,我決定以佢做奮鬥榜樣!」 Dee Gor扮華仔扮得維肖維妙,點能夠唔叫佢向《 FACE》讀者過番幾招?(佢仲話有興趣挑戰扮鄭中基、梁思浩、許志安同埋狄易達,如果想睇就上佢 fb留言啦。)

舔脷Dee Gor:「一定只能將條脷伸出少少,啱啱同雙唇成一直線,再加上半瞇嘅懞眼, Perfect!」


手指指Dee Gor:「方向同時間都要掌握得好!一定要向前指向一眾粉絲,但又唔可以指得太耐,如果唔係就會覺得好似冇禮貌咁,最多指兩秒就要換甫士喇!」


Shu粉絲Dee Gor:「對住粉絲極度瘋狂尖叫嘅時候,呢個動作就係溫文而又不失霸氣嘅做法。劉華多數咁做嘅時候,粉絲都會乖乖收聲。」咁都比 Dee Gor發現到呢吓細節,好強的觀察力!


大動作聽嘢Dee Gor:「手一定要張開放喺耳邊,但其實劉華呢個動作並唔係想聽清楚粉絲講乜,而係想粉絲大聲起哄!你懂的!」

〈鳩嗚〉 MV勝地遊
嘩嘩嘩! Dee Gor嘅粉絲們,落到 MK,扮劉華點可以唔去追埋九鳩嗚 MV嘅拍攝 location?一齊睇下鳩嗚 MV入面啲重要位,大家快啲去 MK影返張啦!

新寶戲院附近不解釋,去 MK新寶戲院附近,一定要搵搵呢位知名牙醫!利申呀,小記唔係佢客仔,呢個唔係廣告!

兆萬中心對出呢張劉華同一眾 Dancer忘情嘅演譯,係咪又想拉埋三五知己去玩呢?呢度就擺明係 MK兆萬中心對出嘅西洋菜街。記住!一定要拉歪鏡頭,少少斜角影先夠 80年代 feel!

MK地鐵站 E出口「落旺角使錢,我是但 buy隻碗」想影 buy碗 shot,當然就要嚟到西洋菜街頭,永隆銀行對出, MK地鐵站 E出口就會搵到㗎喇!記得去 buy隻碗影喇!
Mocking Jer係班廢青?

一身牛仔褸、蘿蔔腳牛仔褲,學舌鳥玩得喪,但亦玩得好細心。
「其實我哋係廢青嚟㗎!哈哈哈!」一班學舌鳥嘅班底都一齊笑言佢哋係冇正職嘅廢青,但幕後大製作人阿修就解釋:「其實我哋台前幕後主要都係做 freelance工作,有啲主要係跳舞嘅,有啲就做 YouTuber,亦有演戲,亦有拍攝、剪接,真係龍蛇混雜㗎!」其實一眾學舌鳥嘅相識,引證到香港呢個地方真係好細。阿修續說:「大家之所以出現喺學舌鳥入面,都係因為巴結咗我!哈哈!其實最大原因係因為大家都志同道合,所以好自然就喺埋一齊去拍片創作。」
玩盡 80年代

小記都認為 Dee Gor自己都估唔到喺片中只得一個嘅鏡頭演譯,就已經令一眾網友咁嗒糖!
〈日日去鳩嗚〉 MV係非常低清, 240p、 4: 3、 80年代過場特效,完完全全有哂 80年代原汁原味嗰種風格,點解有呢個咁嘅諗法?「其實最主要原因都係因為我哋無錢啦!喺無錢低成本嘅情況下,出一個低清嘅版本就可以避免咗好多嘢(其實都係用高清機拍),拍攝嘅時候個諗法都係想刻意模仿返 80年代,因為學舌鳥其中一個精神就係模仿,所謂二次創作其實本意都係咁。」
詢眾要求 華仔做主角!

〈日日去鳩嗚〉呢啲 80年代風格特效,其實都係有一個網友睇完學舌鳥嘅《陳浩南教書篇 2014[警察招募日]》呢條片,好欣賞佢地成班人所以主動去聯絡佢哋想參與其中而成就件事嘅!
阿修話日日去拍〈鳩嗚〉 MV原因真係非常難答。「主要原因係因為我哋對上一條片《陳浩南教書篇 2014[警察招募日]》。其實本身主角係我,但無奈觀眾唔係睇我,反而華仔唱咗一句『日日去鳩嗚』就吸引到觀眾嘅垂青。網民嘅反應非常熱烈,詢眾要求下,咁就主力去拍華仔喇。」
冇諗過要同人鬥

學舌鳥嘅第一條片《陳浩南教書篇 2014[警察招募日]》其實當時反應都已經非常吸引㗎喇!一樣係刻意模仿嘅二次創作,呢個都算係學舌鳥最大嘅 Style之一!
其實真係冇諗過想突圍,因為網上大家都係玩二次創作,各有各好。只係,我覺得我哋諗到有咩想講,又可以緊貼到時下社會狀況,我哋就會想拍。就好似嚟緊我地想拍嘅《激戰》題材,都係有咁嘅意思。所以我哋並唔係想鬥好,或者鬥叻,只係想拍一啲我哋想拍嘅片!
Webber's info
Mocking Jer
FB page:學舌鳥 Mocking Jer(Likes:約 1萬 4千)
YouTube Channel:學舌鳥 Mocking Jer
成名作:《陳浩南教書篇 2014[警察招募日]》(點擊率:約 32萬)
撰文:陳可兒
攝影:彭自維
登入 可留悄悄話
留言成功