阿媽用二十幾萬鱷魚皮 Kelly Bag,關之琳拎 Fendi Peekaboo,四萬二,平好多。 

同你吟一吟

關之琳鱷魚 Hermès敬母

Ads by Google

關之琳同台灣富商陳泰銘拍拖多年,外界一直關心佢究竟幾時嫁,最近又傳出大美人會喺 15年畫龜做陳太,連好友鍾楚紅都承認話聽到啲嘢,但唔講得。

 

點都好,反正打風打唔甩!同男友拍拖出席劉嘉玲 49歲生日晚會嘅關之琳,上星期三(十二月二十四日)又坐住陳泰銘名下嘅 Benz S500出動。
喺皇后大道中落車,關之琳上咗一幢商業大廈,半個鐘後,《壹》仔見到佢媽咪張冰茜,坐住大美人架車到,兩母女喺大廈逗留接近兩個鐘,再一齊落樓,一人一車,分頭離開。
嗱嗱嗱,大家咪誤會,關之琳今次唔係去洗牙,更加唔係睇腦科,照八珍了解,是日佢係約埋媽咪去做保健 treatment。做孝順女,除咗睇實老人家健康,關阿媽手上個 Hermès鱷魚皮 Kelly Bag,要廿幾萬,關之琳自己,蛇皮 Fendi Peekaboo,四萬鬆就有交易。好嘢,留嚟孝敬老媽子。


過馬路上車,期間關之琳不停講住電話,十居其九,向男友報行踪。 

關之琳喺 Starbucks買杯熱飲暖吓個胃先上樓,半個鐘後,關母張冰茜到。 


平時坐男友車出入嘅關之琳,早前拍拖出席劉嘉玲 49歲生日 party,並在場內大方合照。 


乜嘢叫明星?大家睇吓張相,就明白。

撰文:八珍
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()