社交圈

千嬅囝囝愛馬士

Ads by Google

雖然香港聖誕節愈來愈無氣氛,但一家人總循例食個飯應吓節,最特別係丁子高同楊千嬅兩歲囝囝,最佳親子活動竟然係入馬場。

丁子高 阿仔愛馬

丁子高同楊千嬅去完劉嘉玲屋企過節,老婆飛咗去北京,佢就同阿仔丁進諾( Torres)留港。本週日丁生媽媽的愛駒「野孩子」出賽,佢抱住身穿名牌 Moncler羽絨褸嘅 Torres一齊入場打氣,馬仔衝線時, Torres不停做 fighting手勢叫快啲!快啲!(小圖),「我個仔好鍾意馬,入馬場就好高興,仲認得『野孩子』個頭套,遲啲我會帶佢去探隻馬。」

大劉仔 扭計要老豆

食極福臨門都唔厭的大劉,上週五又孖甘比和一對仔女喺度食聖誕午餐,飯後甘比拖住同大劉一個餅印、兩歲細仔仲學上七人 van,大劉就坐另一部車離開,點知囝囝扭計要跟住老豆,一輪拉扯先肯上車,真係陰功豬。


四太 避難節

賭王四太梁安琪同四個仔女,喺平安夜晚齊到四季酒店食大餐,平日淡掃蛾眉的她,當晚 hea著黑絲配 Hermes拖鞋,唔怪得一見記者就表現愕然,在旁十五歲的細女超欣亦冇化妝零打扮,兩母女極速上車鬆人;隨後與細佬猷君坐另一部車的素顏超盈,在酒店大堂企硬等到有車接才快步出門口,問她新年願望?佢邊行邊答:「希望大家開開心心。」



平時超欣去 ball愛穿裙仔做淑女,今次豹紋褲加拖鞋,難怪要閃避鏡頭。 

拎住 Fendi手袋的超盈向記者揮手拜拜,猷君就一直講電話唔睬人。

撰文、攝影:名人組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()