趙海珠說歎下午茶要坐得舒服,方健儀則最怕排隊,「試過排兩小時,兩小時做到好多嘢。」 

名氣生活

趙海珠 方健儀 主播變闊太

Ads by Google

兩個前主播趙海珠和方健儀,在無綫工作時相處時間不多,反而離巢後經常在品牌活動或朋友聚會上碰頭,趙海珠說:「我走時佢就加入 TVB,但都係朋友。」兩位已為人妻的前主播,最近一齊試食朗廷酒店和英國瓷器品牌 Wedgwood合作的下午茶,享受阿太生活,方健儀笑着說:「我啲 tea腳全部係記者、舊同事,可能做記者真係好辛苦,食 tea感覺好 relax。」

減壓下午茶

趙海珠和方健儀都互有留意對方報新聞的表現,趙海珠說:「佢永遠有啲花臣,唔係只企喺度報導,會吸引人留意。」方健儀亦大讚在港大主修日本研究的趙海珠,初出道已表現淡定,「畢咗業無耐、又唔係讀新聞系,好淡定。」
下午茶的餅架來到時,方健儀開心說:「三層架係藝術品,排得好靚,好 colorful,睇到已開心;呢排工作辛苦,忙整皮具,三五知己在柔揚音樂下享受一個下晝,是放假幾好的消遣。」原來她兩年前開始學做皮具,自製的銀包、卡片套等,自然是最好的節日禮物,難怪方健儀近排做到冇停手,「將會去中大教書,做兼任講師。」
至於現為全職媽媽,閒來做司儀、出席品牌活動的趙海珠,最難忘帶着快兩歲的兒子陳彥熹去 tea,「我會揀有梳化的地方,可以幾個小朋友坐梳化玩吓。小朋友都食到啲蛋糕,變咗食 tea唔再係自己活動,帶囝囝都 OK。」枱與枱之間就最好保持距離,「有啲枱擺得密啲,會聽到隔籬講嘢,我鍾意疏啲。」趙海珠說。


方健儀(右)在無綫工作了六年,但實際只和趙海珠做了九個月同事。 

至愛鬆餅

方健儀最愛吃下午茶的英式鬆餅,「 Scone好似好平凡,但好唔好食好考功夫,好似蝦仁炒蛋。」丈夫知她愛吃英式鬆餅,也嘗試做給她吃,她憶述說:「屋企突然有整 scone的書,好窩心,我帶咗返公司食。」
趙海珠和方健儀對茶亦各有喜好,愛飲咖啡的方健儀,食下午茶一定配 tea,「就算有一百種茶, Earl Grey已可以,好提神,有餘韻回甘。」趙海珠則說:「我會偏向揀果味和橙味的茶,但都鍾意試新嘢。」
十年前在英國讀書的方健儀,更決心要去英國來一個傳統下午茶,「食一個 tea要三十鎊,當時讀書一星期都係使三十鎊,食 tea對我來說是奢侈的事,當時話等賺到錢再算,結果之後去咗幾次倫敦都無時間食,下次真係要試,人一世物一世,去到英國係唔同韻味。」


茶具是 Wedgwood特別為酒店訂造,玫瑰圖案靈感來自倫敦朗廷的 Rose Garden,這款 Wedgwood下午茶,每位$298。 

鬆餅可配三種醬,方健儀首選玫瑰花醬,「陣味好舒服,好香玫瑰味。」 

趙海珠首選名為藍莓金寶鑽戒的甜品。

撰文:李苑欣
攝影:李敏軒、葉志明
場地提供:朗廷酒店
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()