日前 Coffee同新歡 Joseph現身中環,二人認識近五個月,近期才開始約會。 

探熱針

冇做上海嫂  Coffee拖金融新歡蒲 ifc

Ads by Google

一「廁」成名的 Coffee林芊妤,早前獲江湖人物「上海仔」郭永鴻寵倖為她開派對慶生,之後壽星女更榮升馬主,以為做硬「上海嫂」,點知馬匹突然易主,「上海仔」自己要番。
唔做上海嫂,一樣有市場!本刊記者發現 Coffee連續兩日與一名做金融的四眼男約會,孖住去 ifc拍拖睇戲, ifc殘廁 gathering陰影,冇有怕!

爭俾錢

同闊少在 ifc殘廁 gathering半小時,換來大台解約大信封的 Coffee,似乎對這塊「傷心地」情有獨鍾;本刊記者日前發現她與一名年輕男士拍拖到 ifc睇戲,只見 Coffee頻頻撥弄秀髮放電,男方笑晒好受落。
翌日,二人又見面,孖咇去九展睇鍾舒漫主演的舞台劇《靜夜飛翔》。 Coffee除了預早向大會留定當晚飛,又爭俾錢。完騷後,二人搭的士去九龍城醫肚,撐枱腳期間, Coffee啟動發電機,不時向對方展示冧笑。
「個男仔叫 Joseph,喺美國讀完書返嚟,做緊金融業, Coffee係經轉咗行做金融嘅落選港姐胡中慧介紹佢識嘅。最初 Joseph唔知 Coffee係藝人,見佢靚女所以主動抄牌,追咗 Coffee都有幾個月。」知情人說。


雖然 Coffee在 ifc一「廁」成名,但她仍同新歡去 ifc睇戲。 

Coffee孖新歡去九展睇舞台劇,密密見面。 

睇完舞台劇,二人打的去九龍城開餐。

Coffee同新歡去平民食肆醫肚,拍拖都好經濟。 

離開無綫後, Coffee教瑜伽兼狂接登台騷,大有錢途。 

有待觀察

向 Coffee求證新戀情,她直認與 Joseph處於約會階段。
壹:壹週刊  C: Coffee
壹:影到你同個男仔連續兩日去街,拍緊拖?
C:觀察緊,朋友介紹嘅,未發展到男女朋友。
壹:點解要觀察?
C:吸取過去經驗,以前有感覺就唔理三七廿一,而家大個咗,會睇吓係咪夾先一齊。以前好講感覺,唔理其他因素,唔理佢係咪老實,而家睇定啲先,唔知係咪因為有陰影呢!
壹:有陰影仲去 ifc睇戲?
C:呀,哈哈!你哋咁都影到。佢喺外國返嚟,唔知我發生過咁嘅新聞,嗰日係佢 book飛。點知佢話去 ifc,我問佢可唔可以轉地方,之後同佢講埋原因,佢話唔緊要啦,已經過去, never mind。
壹:你哋識咗幾耐?
C:識咗四、五個月,前後約咗我三個幾月,次次到尾我都唔得,佢失望咗好多次,我以為佢會嬲,但佢繼續約我,覺得要俾次機會佢。我有同佢講,我唔鍾意同有老婆、女友嘅男仔做朋友,佢話如果佢有嘅話,就唔會花咁多時間約我。


之前上海仔為 Coffee慶祝生日,但 Coffee自言對方沒追求她。 

Coffee在澳洲坐遊艇出海,著三點式騷身材是例牌動作吧! 

Coffee早前去澳洲玩,狂擦龍蝦。 

落選港姐胡中慧(右)同 Coffee好老友,更介紹男仔給她。 

撰文、攝影:娛樂組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()