早前一名自稱 R小姐的日本留學生,公開與城城的調情短訊,炮轟城城劈腿搭上其好姊妹。 

探熱針

郭富城網交上身  R小姐:佢晚晚要!  M小姐:佢咁長......

Ads by Google

去年獲熊黛林放生,回復自由的郭富城開始沉迷「網交」,被踢爆在私人 instagram內連溝多名𡃁模,包括吳嘉熙、蔚雨芯等。最近再有一位自稱 R小姐的日本留學生,向傳媒公開與城城在微信的調情錄音及短訊,更直斥對方用同一招數,氹埋她的好姊妹 M小姐上「城府」,據了解, R小姐口中的好姊妹,正是同星爺傳過緋聞的內地𡃁模程芷瑜( Milla)。

充滿怨氣

身心都不似四十九歲的郭富城,野放回歸森林後更加精力充沛,口味亦轉向年輕化。
現年二十三歲的 R小姐,在一次 party被城城「抄牌」,成為「網友」。提到城城劈腿,她一腔怨氣。
壹:你點發現佢同你好姊妹搭上?
R:有次我哋傾開偈,佢( M小姐) show咗佢同郭生啲短訊俾我睇,先知原來佢(城城)同一個短訊,可以 send俾好多人,同一時間約唔同嘅女仔上佢屋企,我講出嚟,係唔好再有其他女仔受傷害。我都覺得自己好蠢,佢要求多多,晚晚要我 send相俾佢,要聽我把聲,我都滿足佢,以為真係有機會同佢發展,但而家諗清楚,人哋係天王,大把女仔想埋身。
壹:仲有冇同阿王( Aaron)聯絡?
R:佢 block咗我啦!我都 block咗佢,大家過去咗啦!
壹:你所指嘅好姊妹究竟係邊個?
R:講過啦,係個 model,英文名 M字頭,姓程!
壹: Milla?
R:你哋自己問番當事人啦!


23歲的𡃁模程芷瑜正是 R小姐口中的好姊妹,接受訪問時暗寸城城雜食。 

生日正日,身在倫敦開騷的城城,主動傳短訊俾 R小姐,指對方「欠他一份生日禮物」。 

啱晒口味

同好姊妹同時愛上天王,現正在內地工作的 Milla(程芷渝),長髮性感,具備郭富城喜好特質!啱晒口味!
接受本刊訪問時, Milla表現風騷,直認同郭天王有電話交流,亦暗寸對方雜食。
「佢咁長……電話個 list,排隊都未到我啦。」 Milla寸嘴說。
壹:你識阿王?
程:一次公開活動識嘅,有交換過電話囉,唔係好熟。
壹: R小姐話阿王搭上佢個好姊妹就係講你?
程:我勸咗佢( R小姐)唔好諗多咗。
壹:咁你同阿王交換電話之後,有冇試過聯絡?
程:佢交遊咁廣闊,識咁多來自世界各地嘅女仔,可能都唔記得我。
壹:阿王有冇約過你出嚟?
程:諗多咗啦!佢咁長……我指電話個 list,排隊都未到我啦。
一句講晒,多「食」無益!


城城在微信的個人網誌中,經常晒戰車冧女。 


R小姐透露城城要求多多,晚晚要她傳相。

R小姐在一次沈嘉偉搞的 party中認識城城,雙方交換電話後,開展了三個月的網交關係。 

同 Lynn分手後,城城開始沉迷網交,對象全部係𡃁模。 

青春可愛青春

望五郭富城,年紀愈大愈狂野,網上張開情網,承認同天王網交過的𡃁模蔚雨芯、吳嘉熙、 Kabby等,全部唔過 25歲。今次桃色新聞主角之一程芷瑜( Milla), 23歲, 11年簽約 model公司做𡃁模,但工作量不多,更被公司發聲明指控她未滿約便私接大陸 job,又曾跟星爺周星馳出席飯局,傳出緋聞。




撰文、攝影:娛樂組
mailto:nextb@nextmedia.com

    全站熱搜

    tvb4life 發表在 痞客邦 留言(0) 人氣()