李日鴻 37歲首位獲得曼聯足球學校教練資格的香港人。他曾經在聖貞德中學任教十多年,現轉職做足球教練。賽馬會整個計劃共有 30多位教練參加,為期 5個月,接受曼聯教練培訓,成功考得教練資格的非英籍人士得 3個,李是其中之一。他心願是有日香港隊能打入世界盃 32強。 

話你知

做人咪咁多框架

 

Ads by Google

香港亂,同教育制度有關。現在資訊發達,老師不再是唯一資訊提供者,但教育制度仍沿用 50年代工廠式教法。年輕人來到臨界點,要走出來告訴社會,教育制度和價值觀有幾錯。

 

大家都係時候跳出框架了。
讀幼稚園時,老師因為我左[!89ED]要我留堂罰抄;我喜歡踢波,父母又唔支持。得小學程度的父母,最大心願是睇到仔女向上流。所以就算考入中大,選修生物化學,都是因為收我的機會較大,並非為興趣。
生物化學讀乜?係讀細菌如何繁殖自己,計算化學程式。真係頂唔順,課餘參演話劇減壓。
我本來唔識同人溝通,父母也擔心我搵唔到食。但做戲要開放心靈,才會演得好,我開始放開自己。所以讀完 year 2,我鼓起勇氣,就算還差一年畢業,都決定轉系,讀回最愛的體育科學。
那是我人生第一次跳出框架。
畢業後我當中學教師,教體育和科學,希望作育英才。香港教育只注重學業,但得三分一人適合讀書,這制度每年就製造三分二失敗者。作為老師,我反成為幫兇。
只有足球,給我看到曙光。
不少學生讀書差,但在球場上找回價值。在校兼任足球隊教練,去年我參加「賽馬會學界足球發展計劃」,其間更獲選去英國曼聯足球學校做教練培訓,教小朋友踢波。
曼聯踢波的首要條件是: have fun。我做了十多年教練,一直認為訓練就訓練啦,咁開心做乜?但原來 fun可以給學員動力,所以英國十二三歲小朋友,可以有香港甲組球員都無的創造力;中國咩運動都掂,係足球唔掂,就係我們欠缺了做人該有的創造力和自信心。
所以人到中年,我決定再跳出框架,做全職足球教練,四圍去教波。收入得過去三分一,還有 4歲女要養,幸而有在藥廠做管理層的太太支持。
人生就如踢足球。你落場踢未必贏,但唔落場就一定輸,最怕將自己框死一世。


14歲的忠仔是李日鴻的學生,以往曾參加不同足球班,他說上李 Sir堂好好玩,因為會在訓練中加入馬騮搶球,令訓練唔使咁悶。 

曼聯足球學校駐港總教練克里斯托弗.奧拜恩負責評核李 Sir的表現,他說李 Sir的學習態度認真,教學時會加入自己的想法,亦能跟學員打成一片。 

他在英國教不同國籍的曼聯學生踢波。他說,非洲小朋友較自由奔放不守時,而英國小朋友則注重紀律。他本準備了曼聯年刊找當地球星簽名,可惜球隊去了外地比賽,緣慳一面。

撰文:阮淑賢
攝影:梁幹持
錄像:蔡政峰

    全站熱搜

    tvb4life 發表在 痞客邦 留言(0) 人氣()