蒸完後洗頭。 

大拼盤

頭髮「深層磨砂」防脫髮

Ads by Google

咪以為男人禿頭係必然,認識嘅腦外科醫生 50多歲,頭髮動 L又濃密,太太女兒嘅頭髮更是滑順。佢話喺尖沙嘴一間髮型屋做「深層磨砂」,加上老闆娘自創嘅洗頭水,才能保持頭髮健康。做 facial就話「深層磨砂」,乜頭髮都有嘅咩?

 

髮型屋喺舊商場,唔多起眼,但客人卻好多,個個都做「深層磨砂」。據聞老闆娘阿 Wan喺 80年代跟林青霞御用髮型師合作,更贏過某大牌子洗頭水嘅髮型設計比賽,本有機會出國表演,後因結婚生女放棄事業。後來她技癢出嚟開髮型屋,發現客人頭髮愈嚟愈難剪和染,原來係洗頭水出問題。
「頭皮都會分泌油脂,令毛孔阻塞,影響頭髮健康成長。若然洗頭水 ok,都可洗掉油脂。可惜市面上很多洗頭水都係化學品,含鈉和膠質,無法清洗頭皮油脂,更導致頭髮表面和頭皮被膠質包住,令毛孔閉塞,頭髮愈長愈幼,甚至脫落,最後無晒頭髮。」


事前用放大鏡檢視頭皮情況。白色一嚿嚿為油脂分泌。 

落洗頭水抓鬆頭髮,讓洗頭水滲入頭皮。 

用蒸氣做深層清潔。

蒸出嚟嘅水變奶白色,代表污垢和油脂。 

再落藥水幫助化解油脂。 

WAN

 


發誓我無電髮,但洗完頭天然鬈曲出番嚟。 

記者試做唔吹都易乾
我頭髮過胸,平時洗完頭濕[!89C1][!89C1]狂滴水,吹乾又好蓬鬆。做完「深層磨砂」回家,用洗頭水洗頭,只要印幾下已半乾,唔使吹都自然全乾。乾咗不再蓬鬆,摸落仲好柔順。

 

顧客 Gloria唔再甩頭髮
「我頭髮薄,有啲位睇落仲好少,但唔為意,加上工作忙,更無時間理,故每次洗頭都有手掌咁大球嘅頭髮脫落,以為係正常新陳代謝。直至三星期前改咗洗頭水及做深層清潔,發現每次洗頭只甩幾條頭髮,吹乾更無支支頭髮豎起,有番自然弧度,髮型都變立體,睇落仲好似多咗頭髮㖭!當然我只做了 3星期,唔會即刻變好,但感覺有改善。」

有機手作洗頭水


自家創洗頭水,聲稱全為有機成分,其中包括茶籽粉,及全人手製作。洗頭水$150/支( refill裝$380);護髮素$150/支( refill裝$450)。有興趣可到尖沙嘴買試用裝試用。 

Wan指,男性因荷爾蒙關係容易變禿頭;女性就髮線後移,或愈生愈薄,甚至見到頭皮。「很多人以為甩頭髮係正常,其實不然,一把美麗嘅頭髮係可以伴隨你一生。要頭髮健康成長,一定要頭皮毛孔無被油脂和添加物阻塞,頭髮才會生得靚,這要從洗頭做起。」
故她從洗頭水入手,跟本地洗頭水代理合作,拿歐洲出名嘅洗頭水去化驗,找出有效成分,再自創有機全人手製作嘅洗頭水,用嚟幫客人做「深層磨砂」。

蒸氣深層清潔

所謂「深層磨砂」,係用洗頭水配合蒸氣,將頭皮嘅油脂和污垢清走。我本身有做中藥染髮,第一次做「深層磨砂」,居然把染料全部抽晒出嚟。以往洗完頭都唔敢伸手入頭皮摸,依家發現頭皮變乾淨,連攝影師都有這感覺。最奇特係頭髮吹乾後,居然有鬈曲效果,但我並無電髮嘅喎!
Wan解釋:「深層清潔把油脂和頭髮表面嘅膠質洗掉,頭髮變輕變滑變順。而且無咗污糟嘢阻塞毛孔,頭髮嘅自然形態出番嚟,生長都好啲。」
髮型屋內一名 85歲嘅婆婆做完「深層磨砂」,但不肯做訪問,只見她一頭髮絲又濃又黑又順,仲會動 L,就知講多無謂,有頭髮最實際。

洛詩

地址:尖沙嘴東麼地道 67號半島中心 1樓 170室
營業時間:周一至周六, 10am-8pm
查詢: 2312 2907/ http://www.abhilfe.com.hk 
備註:「深層磨砂」視乎毛孔堵塞情況及髮質
而決定清潔次數,每次收費為$500起。
若頭髮有改善,可 28日或 1個月護理 1次。


撰文:馮淑玲
攝影:周芝瑩
錄影:劉玉梅

    全站熱搜

    tvb4life 發表在 痞客邦 留言(0) 人氣()