55歲嘅余安安,喺寒風中,露出 3吋事業線。成身毛、但包到上頸嘅 Hello Kitty都要認輸。 

媽咪姐

余安安阿女好帶挈

 

Ads by Google

媽咪姐一向都好佩服余安安!佢自從 03年同賽車手老公李萬祺離婚後,就復出幕前努力搵錢供兩個寶貝女去外國讀書。嘩!你知啦,嗰條數好襟計㗎!

 

好彩,捱吓捱吓,大女已經讀完書返香港,做緊律師,只係細女仲喺美國讀緊書啫,負擔少好多。早幾日,佢就孖住兩個女去 Hello Kitty Cafe嘅開幕活動,拉住 Hello Kitty影相,童心返晒嚟!安安仲忍唔住晒命:「細女男朋友喺美國,所以無見過。大女男朋友就成日嚟屋企食飯,話我啲飯好食。不過佢煮嘢都非常好味,我話佢第時退休可以做私房菜,依家就做住我嘅私人私房菜先。」呢啲,咪叫苦盡甘來囉。


讀緊書嘅細女李文騫(左)返香港過聖誕,大女李文琪(右)趁得閒都陪阿媽出活動,好孝順! 

上個月,大女男朋友特登用兩日整感恩節大餐俾安安同女友食,睇相就知有功架。安安都讚佢係靚仔大廚! 

同場仲有馬詩慧、王曼喜孖住出活動,好多人讚佢哋似兩姊妹呢!

    全站熱搜

    tvb4life 發表在 痞客邦 留言(0) 人氣()