古巨基同 Lorraine一齊出動巡舖,但要幫手開薯片嗰陣,基仔就一臉痛苦搓住個胸,真係啱 timing喎! 

媽咪姐

古巨基唔幫手掛住搓胸

Ads by Google

古巨基呢排返大陸參加《我是歌手 3》掘金,雖然目前屈居尾二,但穩袋近二千萬。老婆 Lorraine(陳英雪)留喺香港冇細藝,佢咪打本俾老婆喺 PMQ元創坊開餅店,話晒 Lorraine嘅家族都係做開飲食業,打理生意熟手啦!

 

媽咪姐呢日去開幫襯,咁啱撞到佢兩夫妻嚟巡舖,寓工作於拍拖, sweet到呢!但係咁, Lorraine口痕拎薯片出嚟食,但搣咗好耐都打唔開。基仔呢,只係喺隔籬搓自己個胸,睇住冇幫手。真係辛苦晒 Lorraine!


之前幫大台錄影節目,古巨基搵埋老友周慧敏去自己間舖,真係識利用每次嘅宣傳機會。 

基仔以自己首 hit爆廣東歌〈愛與誠〉出賽,估唔到喺 7位歌手之中排第 6,瘀咗啲! 

古巨基身為明星老闆,唔少途人見到佢都要求合照,佢有求必應,順便可以幫舖頭做宣傳。

    全站熱搜

    tvb4life 發表在 痞客邦 留言(0) 人氣()