知道前夫周永恒等判刑,阿 Yu心情好好,但講明唔會俾前夫見兩個女,驚會再出事。 

媽咪姐

趙頌茹跌過係醒咗

Ads by Google

脫離魔掌後嘅阿 Yu趙頌茹,要獨力湊大兩個女,都咪話唔辛苦。好彩呢幾個月有唔少朋友幫手彈 job俾佢,聽聞 3個月內已經賺咗 40萬,算係咁啦!

 

有人關照,阿 Yu都好珍惜,睇佢幾年冇做 model,啲功架仲喺度。呢日佢出席鞋履活動,好醒目揀條短裙仔騷長腿,仲做老師指導同場嘅小 model美心妹妹(楊鎧凝)點樣坐可以唔走光又騷到對鞋。不過講到前夫周永恒認罪候判,又話想見兩個女,阿 Yu聽佢咁講有啲緊張:「做父女係一世關係,所以處理咗當前嘅嘢先。」而第三者 Ruby(劉依靜)話自己回復單身,冇再同周永恒一齊,仲話會「私下同阿 Yu道歉」。阿 Yu只係好冷淡話對 Ruby冇感覺,想成件事盡快告一段落。啱嘅,錯一次叫天真,再錯就叫豬嘞!


上周五( 19日)周永恒喺庭上認罪,被判普通襲擊罪,等緊判刑。離開法庭嗰陣,佢話自己好掛住兩個女喎。《蘋果日報》圖片 

想當日, Ruby(左一)以助手兼拍檔身份融入周家,連周永恒生日,全家去海洋公園慶祝都有佢份。依家勾人老公又話要道歉,咩人嚟㗎? 

教擺 pose要重操故業,阿 Yu睇落寶刀未老,仲教美心妹妹繑腳擺甫士,見佢平衡唔到,即刻捉實。

    全站熱搜

    tvb4life 發表在 痞客邦 留言(0) 人氣()