(右起)張兆輝、 Benz雄同阮兆祥拍緊《性在有情》,飲住啤酒講戲中老婆小寶陳嘉佳,聽到都有壓力呀! 

媽咪姐

Benz雄 講女人冒汗

Ads by Google

捱咗幾十年,終於憑「歡喜哥」爆紅嘅許紹雄,拎完「最受歡迎電視男角色」隔兩日,又繼續開工。呢日,佢同張兆輝、阮兆祥喺觀塘嘅大牌檔拍劇,咪睇近日天氣得十幾度, Benz雄講講吓出汗。原來劇情話佢同老友呻啲女人麻煩,講到滴汗。

 

媽咪姐知道 40幾歲先結婚嘅佢,查實同太太一直好恩愛,囡囡依家都廿幾歲咯。佢話自己係好爸爸,當個女係寶,所以有時拍戲,有主角都唔想做,因為要貫穿全套劇,太辛苦。不如懶啲做配角,可以早啲收工,返屋企陪家人。今年許紹雄都 66歲,佢咁諗,又啱數喎!


Benz雄真係好戲,室外氣溫只有 15度,佢都可以講到出汗,呢啲咪演技囉。 

Benz雄當日攞獎,第一件事都係諗起老婆仔女,仲講笑話攞完獎通常冇嘢撈,有時間陪家人去旅行。點知唔夠兩日,又要拍劇。 

算係老來得女嘅 Benz雄,每次提起家人都好 sweet。囡囡仲細嗰陣,一有時間就帶個女去買玩具,錫到佢燶。講真, Benz雄無乜變樣。

    全站熱搜

    tvb4life 發表在 痞客邦 留言(0) 人氣()