今時今日嘅素拉憑住曲線嘅勁爆身材,不單幫佢搵到錢,更成為宅男女神㖭。 

出外埠

《未生》姜素拉 豬扒變索女

Ads by Google

24歲、憑收費台人氣劇《未生》紅爆韓國嘅姜素拉,愈嚟愈索。事實上,學生時期嘅佢又肥又老套,人哋 18歲卜卜脆,但身高只得 168cm、體重 160磅嘅佢就肥嘟嘟,搞到冇男生埋身。喺咁慘痛嘅情況下,姜素拉的起心肝減肥,狂做瑜伽、節食加運動,終於成功搣甩 50多磅,由豬扒變身索女踩入演藝界!依家嘅姜素拉真係要樣有樣、要身材有身材,加上今年一套《未生》,仲將佢升呢為廣告界新寵兒。

 

 


學生時期嘅姜素拉,肥到個面成塊披薩咁,仲要戴副娘爆眼鏡,難怪佢話嗰段時期係佢「黑暗人生」啦! 

姜素拉早前嚟香港出席 MAMA頒獎禮,身上着嘅,只係價值$250的 H﹠ M貨仔,但依然高貴,尤其件衫凸顯佢對 105cm長腿。所以話,人正,笠個麻包袋都靚。 

早前有人將姜素拉練芭蕾舞時兩腿擘開兼凸點嘅相放上網瘋傳,真係冇陰功。 

喺《未生》入面嘅姜素拉,講出打工仔悲哀,為咗掙扎求存,不惜利用身材促成生意。 

    全站熱搜

    tvb4life 發表在 痞客邦 留言(1) 人氣()