靚抽王

北韓嘅底線喺邊度?

Ads by Google

唔知由幾時開始,恥笑北韓已經成為地球人生活嘅必需品,無論係網上面定係不同嘅媒體,來自北韓嘅笑話就好似滔滔江水咁連綿不斷,又有如黃河氾濫,一發不可收拾。不過,北韓作為擁有高科技嘅核彈國,真係唔會次次都忍你㗎!咁究竟佢條底線喺邊?要惡搞到咩地步佢先會真正發作?

測試底線一惡搞金正恩髮型

今年 4月,英國有間理髮店以專剪金正恩髮型為招徠,搞到北韓派遣專員去投訴,不過最後都相安無事。冇幾耐,網上又傳出一系列嘅金正恩髮型惡搞相,唔知係唔係金正恩自己見到都覺得好笑,而且同咁多名人放埋一齊一啲都冇失佢嘅尊貴身份,所以北韓最終都冇發作。

測試底線二惡搞北韓新聞

北韓官方媒體經常誇大自己國家嘅富強,呢一點就成為外國媒體嘲笑嘅對象。當中最有趣嘅,包括有惡搞北韓新聞指北韓踢贏世界盃,同埋北韓太空船登陸太陽。可能北韓當局覺得登陸太陽一啲都唔誇,於是最後都冇因此而作出反擊。

測試底線三老翻金正恩到訪佔領場地

香港雨傘運動時,就有名膽大包天嘅朋友扮金正恩到場支持運動。唔知係唔係北韓都支持民主,所以連扮金正恩咁大逆不道佢哋都冇乜反應。

測試底線四金正恩爆頭

本來就嚟上映嘅荷里活電影《 The Interview》,內容講述特工刺殺金正恩,據講結局係金正恩爆頭死。哼!惡搞偉大領導人嘅髮型我哋可以忍,扮我哋偉大領導人,我哋都可以忍,但係竟然要我哋可愛嘅金正恩 BB爆頭?就「是可忍孰不可忍」!呢套電影因為黑客入侵同埋恐襲威脅,搞到冇得放映。所以話,玩還玩,要好似我哋咁識收先得嘛,你玩埋爆頭,我哋家吓想恤個靚髮扮金正恩都唔得啦!


膠事國際

國際膠事無奇不有,每期膠事國際為你帶嚟最熱門嘅世界性膠事話題。


撰文:娛文樂

    全站熱搜

    tvb4life 發表在 痞客邦 留言(0) 人氣()