靚抽王

Cap圖龍虎榜

Ads by Google

平日一打開 facebook同 WhatsApp,可謂 cap圖滿天飛, cap圖已經成為我哋生活嘅一部分。今期至新至 hit嘅 cap圖係乜?睇 cap圖龍虎榜啦!!

S橋贈阿叻

阿叻又上旅遊節目,今次唔再炫富同懶叻咁乞人憎,佢走親民路線,學人執 S。幫完可愛樹熊執 S後,佢仲好 warm咁話自己同隻樹熊都因為佢執 S嘅偉大行徑好開心。雖然我唔知隻樹熊有冇因為自己嚿 S可以俾阿叻執而開心,不過似乎咁樣係唔足夠令所有人都咁開心㗎!網上面有朋友睇到呢幅 cap圖,爆出一句:「如果阿叻可以食埋啲金,我就會更加愉快。」叻哥,你咁叻,你不入地獄誰入地獄呢?而且下年大台台慶真係唔知會搞成點?今年都跌咗 4點收視喇,係時候度吓新橋谷一谷佢,譬如呢條 S橋都唔錯吖?你肯食,我決定一晚唔睇 HKTV,支持你!

強國世界級生日會

呢邊廂有我哋香港學生「太」過關心時事,搞到香港高官啲朋友驚到話要移民;嗰邊廂強國富二代不停有新搞作。好似呢位快要 16歲嘅小朋友,就為咗佢嘅 16歲生日會進行宣傳。哇,啲旗仔仲多過國旗,唔知佢係邊個達官貴人嘅子女呢?不如推薦佢過嚟香港教吓我哋班雙學「廢青」,又或者逼阿之鋒返強國同啲有錢佬上番個靚契啦!示咩威啫,搞生日會好!你睇人哋幾和諧!


哇,圖為福建某條馬路,真係生日旗飄揚,唔知仲以為選舉……黐線!傻㗎咩!強國邊有選舉㗎? 

What is色拉?

港視劇《選戰》同《警界線》集集都有金句,新推出嘅《來生不做香港人》都唔例外。網上面瘋傳一段寸爆強國嘅片段,講述飾演香港人代表嘅張可頤,質問侍應點解用殘體字同埋強國用語。恕我娛文樂才疏學淺,我真係唔知原來沙律係色拉,我淨係識咩叫草泥馬同埋河蟹咋。




撰文:娛文樂

    全站熱搜

    tvb4life 發表在 痞客邦 留言(0) 人氣()