Gucci 

名人潮

優皮士

Ads by Google

最近氣溫驟降,女士打扮講求突出之外,同時亦要注意保暖。長青的皮革服飾,成為名媛淑女的不二之選。咪以為皮只得黑、啡等大路顏色,今季大熱嘅 pastel色調一樣大受歡迎。可以着上身的優質皮革軟薄貼身,猶如第二層皮膚,想做「皮」氣仔女,真係要收身至得。

周汶錡 密實端莊

Ricky評︰「佢平日性感打扮居多,今次密密實實一樣搶鏡。粉黃皮裙包到上頸,感覺端莊賢淑。佢撞咗花花手袋,好有時代感,加上妝容好 sexy,撞起咁平實嘅裙都唔覺悶。」

Amanda S. 青春健康


Gucci 

Ricky評︰「蛇皮外套好難 carry,容易感覺成熟老氣,但佢嘅湖水綠短裙仔襯埋灰色短 boots,令佢年輕咗。清爽髮型、膚色,好 fresh、好健康。」

顧紀筠 老氣沉悶

Ricky評︰「好似 70、 80年代造型,感覺脫節、老土。其實佢整套皮革打扮,配咁多鑽飾唔係咁啱襯。加上全黑由頭包到落腳,密不透風咁,露番對腳會舒服啲。」

陳慧琳 潮媽示範


Gucci 

Ricky評︰「長袖皮裙令人覺得斯文,較難 carry。不過佢襯對尖頭高踭鞋,騷咗雙腳感覺唔同晒。 A line裙款好啱佢身形,令佢更 young,簡簡單單已經夠搶。」

謝婷婷 簡單舒服


Hogan 

Ricky評︰「呢一類打扮最易配襯,簡單時尚。最值得一讚,係佢用白 biker褸撞灰皮長 boots同袋,黑、白、灰三色好 stylish。」

徐濠縈 修長突出


Gucci 

Ricky評︰「佢身材唔算高,但呢條闊身皮褲,將佢身形比例拉長。皮邊西裝褸配埋有質感嘅粉藍皮頸巾,突出成個中性打扮。所以高度唔係問題,識着衫先值得一讚。」

馬詩慧 冷艷有型


Zadig& Voltaire 

Ricky評︰「中性打扮好啱佢 style,帶出冷艷嘅型格,好有台型。貼身皮衫褲將佢好 fit身材表露無遺,全黑襯法加對尖頭高踭鞋已經好突出。」

劉萬儀 格格不入


Bebe 

Ricky評︰「黃黑打扮幾 sharp,單睇件皮褸都唔錯,不過佢唔係好識襯衫,黃色裙同髮型都好斯文,同型格皮褸完全係兩件事,依家好似 OL扮有型感覺。轉對皮 boots配馬尾會型好多。」

profile

星級形象指導郭慶彬( Ricky Kwok),定期被邀到巴黎時裝周欣賞大牌 fashion show。近年他做埋潮店老闆,於銅鑼灣開時裝店。

羊皮夠軟薄

Ricky貼士
• 皮革服飾要夠軟夠薄,揀羊皮最貼身舒服。身材豐滿有肉女士,可選擇挺身牛皮,修飾缺點。
• 最常見黑、灰、藍皮革較穩陣、冇驚喜,可嘗試粉紅、桃紅等鮮艷顏色, sharp醒精神。
• 貼身皮裙感覺悶,近年興 A line、百褶款,可遮掩 hip位,令身形更加顯得瘦。
• 皮革冇彈性,太貼身會打褶、太鬆外形變得古怪,必須要揀 fit size。


Tom Ford 

Tom Ford 

撰文:蔡靜雯
攝影:鄭家駿、葉兆康

    全站熱搜

    tvb4life 發表在 痞客邦 留言(0) 人氣()