So Comment

大開眼界食蛋法•

阿坤 地址:尖沙咀漆咸道南 45-51號其士大廈地下 C及 D鋪 電話: 3971 0884(甲) (蘇施黃)

Ads by Google

歡迎!歡迎!
歡迎新加坡亞坤來到香港!
每次去新加坡一定要到訪之一就係近 China Town的遠東廣場嘅「亞坤」,因為只有這一間嘅多士係真真正正用炭爐燒嘅。燒炭嘅地方就喺店的側邊。另一間頗大嘅房間,裏面有一行行好長嘅炭爐,有好多中年女人就喺度負責烘多士,係特別唔同的,真係有炭味,好香㗎!其他分店都係用電爐,差啲㗎!

 

 

食物

當然第一樣嘢叫就係佢哋最出名亦最奇怪食法嘅「亞坤招牌雞蛋」加咖椰多士!$45,香港係分開叫的,但喺新加坡人人都係一齊食的,超怪! Show you。

 

蛋要浸兩次
第一次喺攝氏 93度浸 5分鐘
再轉去攝氏 85度浸 2分鐘
香港就浸入凍水過冷河,但喺新加坡,佢哋就浸完第一次,放啲蛋在托盤上,淋啲滾水落去,啲蛋就變成


 

好嘢!我試過超過 100隻蛋,都做唔到咁樣嘅蛋出嚟。不過你見到呢幅相嘅蛋同新加坡嘅蛋都有少少分別。新加坡啲蛋白微微熟少少㖭。
好嘞!我見香港人大多叫了隻蛋就咁食咗食蛋,有一日無意中睇完馬,見到有個節目介紹「亞坤」,個主持正正係介紹呢隻蛋,佢就咁用口呷, OMG!

 

其實新加人嘅食法真係好特別,第一次見令我大開眼界!


先落一些老抽落蛋度 

撈勻 

再將蛋放在亞坤超脆的咖椰多士上放入口食!哈哈!

 

奇怪,又鹹又甜!但食完第一次,我就次次都要咁奇怪咁食,就算喺香港,我都分開叫,然後連埋一齊食, it's fun!

 

15歲就移民去新加坡捱世界嘅黎亞坤,捱到今日嘅成就真唔簡單。「萬丈高樓從地起」,現在有多少年輕人明呢?或許有多少年輕人願意捱世界呢?


當然要嘆番杯招牌奶茶啦!年輕人拉到好高好多煙!哈! 

火腿芝士蒸麵包$18新加坡未見過,立即 order一個。喂!又相當好食噃,麵包蒸到熱辣辣,軟腍腍,芝士又少少溶,好正!

沙甸魚三文治$32包裝得唔錯,打開係咁的。味道好好,可惜沙甸魚少了一點。那片番茄係多餘的,生菜亦可以少啲,多番啲沙甸魚咁就 perfect!

 

亞坤
地址:尖沙咀漆咸道南 45-51號其士大廈地下 C及 D鋪
電話: 3971 0884

 

蘇施黃
資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。


攝影:蘇施黃

    文章標籤

    阿坤

    全站熱搜

    tvb4life 發表在 痞客邦 留言(0) 人氣()